মণিপুৰৰ হিংসাৰ বাবে আৰ এছ এছ, বিজেপিক জগৰীয়া অখিল গগৈৰ; ৰাষ্ট্ৰপতিৰ শাসনৰ আহ্বান
শিৱসাগৰৰ বিধায়ক তথা ৰাইজৰ দলৰ মুৰব্বী অখিল গগৈয়ে চুবুৰীয়া ৰাজ্যখনত চলি থকা হিংসাত্মক পৰিস্থিতিৰ কাৰণ “আৰ এছ এছ আৰু বিজেপিৰ অভিসন্ধি” বুলি উল্লেখ কৰি মণিপুৰত ৰাষ্ট্ৰপতি শাসনৰ দাবী জনায়।
গগৈয়ে লগতে মণিপুৰৰ এন বীৰেণ সিং নেতৃত্বাধীন ৰাজ্য চৰকাৰখনে অঞ্চলটোত দুমাহতকৈ অধিক সময় ধৰি চলি থকা হিংসাত্মক পৰিস্থিতিৰ মাজত পৰিস্থিতি নিয়ন্ত্ৰণত ব্যৰ্থ হোৱাৰ অভিযোগ উত্থাপন কৰি পদত্যাগ কৰিবলৈ আহ্বান জনায়।
লগতে পঢ়ক: মণিপুৰ জ্বলিছে, দুমাহ ধৰি তোমালোকৰ কোনো খবৰ নাই! বলিউডৰ চেলিব্ৰিটিসকলক এজাউৰি লিন লাইশ্ৰমৰ
‘মণিপুৰত অস্থিৰতা বিৰাজ কৰিছে, কিন্তু কোনোৱে গুৰুত্ব দিয়া দেখা নাই। পৰিস্থিতি নিয়ন্ত্ৰণৰ বাবে কোনেও পৰ্যাপ্ত ব্যৱস্থা গ্ৰহণ কৰা নাই।’ উত্তৰ-পূৰ্বাঞ্চলৰ ৰাজ্যখনত ক্ৰমাৎ বৃদ্ধি পোৱা হিংসাত্মক পৰিস্থিতিক লৈ উদ্বেগ প্ৰকাশ কৰি গগৈয়ে এইদৰে কয়।
যোৱা ৪ মে’ত দুগৰাকী জনজাতীয় মহিলাক উলংগ কৰি খোজ কঢ়াই এদল পুৰুষে নিৰ্যাতন চলোৱা ভয়ানক কাণ্ড প্ৰতিফলিত কৰা এটা ভিডিঅ’ৰ পিছত তেওঁৰ এই বক্তব্য প্ৰকাশ পাইছে।
দেশজুৰি ক্ষোভৰ সৃষ্টি কৰা এই অতি নিন্দনীয় কাণ্ডৰ সৈতে জড়িত চাৰিজন ব্যক্তিক বৃহস্পতিবাৰে গ্ৰেপ্তাৰ কৰা হয়।
লগতে পঢ়ক: ‘প্ৰট’কল, বিশেষাধিকাৰ নহয়’; উচ্চ ন্যায়ালয়ৰ ন্যায়াধীশৰ আচৰণত অসন্তুষ্ট দেশৰ মুখ্য ন্যায়াধীশ
মণিপুৰত ৰাষ্ট্ৰপতিৰ শাসন ঘোষণা আৰু ৰাজ্য চৰকাৰৰ পদত্যাগৰ দাবী জনাই গগৈয়ে অঞ্চলটোৰ পৰা অহা হিংসাত্মক ঘটনাৰ খবৰক লৈ তীব্ৰ উদ্বেগ প্ৰকাশ কৰে।
তেওঁৰ অভিযোগ, ‘এয়া নৰেন্দ্ৰ মোডী আৰু তেওঁৰ চৰকাৰকে ধৰি আৰ এছ এছ আৰু বিজেপিৰ দ্বাৰা পৰিচালিত ডিজাইন। তেওঁলোকে ইচ্ছাকৃতভাৱে মণিপুৰৰ জনসাধাৰণক মেৰুকৰণৰ প্ৰয়াস কৰিছে।’