আৰ এছ এছ, বিজেপিৰ কথামতে অসমীয়া জাতিৰ কফিনত শেষ গজালটো মাৰিবৰ কাৰণে সাজু হৈছে হিমন্ত বিশ্বঃ অখিল গগৈ

আৰ এছ এছ, বিজেপিৰ কথামতে অসমীয়া জাতিৰ কফিনত শেষ গজালটো মাৰিবৰ কাৰণে, হিমন্ত বিশ্ব শৰ্মাৰ নিজৰ কেৰিয়াৰ বচাবৰ কাৰণে অসমীয়া মাধ্যমৰ বিদ্যালয়ত ইংৰাজী ভাষা জাপি দিব বিচাৰিছে।

এই মন্তব্য ৰাইজৰ দলৰ সভাপতি অখিল গগৈৰ।

শিৱসাগৰ যুৱদল প্ৰেক্ষাগৃহত ৰাইজৰ দলৰ যোগদান সমাৰোহত চৰকাৰক তীব্ৰ সমালোচনা অখিল গগৈৰ।

অসম চৰকাৰৰ কেবিনেটে শেহতীয়াকৈ ইংৰাজী ভাষাত পাঠদানৰ বাবে লোৱা সিদ্ধান্ত কোনোপধ্যেই মানি লোৱা নহ’ব বুলি সকিয়নী অখিল গগৈৰ।

যোগদান সমাৰোহত ” কা ” বিৰোধী শ্লোগান। কা ” কোনোপধ্যেই মানি লোৱা নহ’ব বুলি পুনৰ সকিয়নী অখিলৰ।

ঘৰে ঘৰে জাতীয় পতাকা উত্তোলন প্ৰসংগতো প্ৰতিক্ৰিয়া প্ৰকাশ বিধায়ক গৰাকীৰ ।

বিজেপিয়ে কোৱা বাবেহে জাতীয় পতাকা উত্তোলন কৰিম এনে কথা হ’ব নোৱাৰে , আমি নিজৰ ইচ্ছাৰে জাতীয় পতাকা উত্তোলন কৰিম – অখিল গগৈৰ মন্তব্য।

বি জে পি যাৰ ঔৰসত জন্ম হৈছিল,আৰ এছ এছৰ কাৰ্যালয়তে জাতীয় পতাকা উত্তোলন কৰা নহয় বুলি কটাক্ষ।

আলফা স্বাধীনে ৭৫ সংখ্যক স্বাধীনতা দিৱস বৰ্জনৰ আহ্বান জনোৱা সন্দৰ্ভতো মতামত প্ৰকাশ অখিল গগৈৰ।

আলফা স্বাধীনৰ আহ্বান ৰাইজৰ দলে কেতিয়াও মানি নলয় বুলি স্পষ্ট অখিল গগৈৰ।

উল্লেখযোগ্য যে যোগদান সমাৰোহত কংগ্ৰেছ, বিজেপি সহ বিভিন্ন দল সংগঠনৰ চাৰি শতাধিক কৰ্মী তথা বিষয়ববীয়াই ৰাইজৰ দলত যোগদান কৰে। বহু কেইগৰাকী কংগ্ৰেছৰ শীৰ্ষ নেতাই ৰাইজৰ দলত যোগদান কৰে।