প্রতিকূল বতৰৰ বাবে ১৭ জুনতো বন্ধ থাকিব কামৰূপ(ম) জিলাৰ সকলো শিক্ষানুষ্ঠান; আৰু ক’ত?
কামৰূপ মহানগৰ জিলাত নেৰানেপেৰা বৰষুণ চলি থাকিব বুলি বতৰ বিজ্ঞান কেন্দ্ৰই দিয়া আগজাননীৰ পৰিপ্ৰেক্ষিতত সকলো বিদ্যালয়, মহাবিদ্যালয় তথা শিক্ষানুষ্ঠান (চৰকাৰী আৰু ব্যক্তিগত) কাইলৈ (১৭/০৬/২০২২) বন্ধ ৰখাৰ পৰামৰ্শ দিছে কামৰূপ মহানগৰ জিলাৰ উপায়ুক্ত পল্লৱ গোপাল ঝাই।
অৱশ্যে ইতিমধ্যে নিৰ্ধাৰিত হৈ থকা পৰীক্ষাসমূহ চলি থাকিব পাৰিব।
বিগত কেইদিনমান ধৰি হৈ থকা অবিৰত ধাৰাসাৰ বৰষুণৰ বাবে জিলাখনৰ বহু চৰকাৰী-বেচৰকাৰী বিদ্যালয় চৌহদ জলমগ্ন হৈ পৰিছে ৷
📌 Urgent
In view of the prediction by IMD of incessant rains in Kamrup Metropolitan District tomorrow, all educational institutions (Govt. & Private both) to be closed down for tomorrow(17.6.2022) with exception of conduct of examinations which have been already scheduled.— Kamrup Metro District Administration (@DCKamrupMetro) June 16, 2022
ইয়াৰ পৰিপ্ৰেক্ষিতত আজি গুৱাহাটী মহানগৰীকে ধৰি কামৰূপ (মহানগৰ) জিলাৰ সকলো শিক্ষানুষ্ঠান বন্ধ ঘোষণা কৰিছে প্ৰশাসনে।
আনহাতে, কামৰূপ গ্ৰাম্য জিলাৰ উপায়ুক্ত তথা জিলা দুৰ্যোগ ব্যৱ স্থাপনা কৰ্তৃপক্ষৰ অধ্যক্ষই দিয়া এক জাননী যোগে উত্তৰ কামৰূপৰ অধীনত পৰা উত্তৰ গুৱাহাটী, হাজো, কমলপুৰ, ৰঙিয়া আৰু কঞা ৰাজহ চক্ৰৰ অধীনৰ সকলো শিক্ষানুষ্ঠান ১৭ আৰু ১৮ জুন তাৰিখে বন্ধ ঘোষণা কৰা হৈছে। অৱশ্যে ইয়াতো ইতিমধ্যে নিৰ্ধাৰিত হৈ থকা পৰীক্ষাসমূহ চলি থাকিব পাৰিব।