এইবাৰ ১০০ কোটি টকাৰ প্ৰৱঞ্চনামূলক ট্ৰেডিং স্কীমৰ অভিযোগত গ্ৰেপ্তাৰ আন এগৰাকী মহিলা

গুৱাহাটীৰ লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰৰ পৰা প্ৰৱঞ্চনামূলক ট্ৰেডিং স্কীম  চলোৱাৰ অভিযোগত আৰক্ষীয়ে গ্ৰেপ্তাৰ কৰিছে আন এগৰাকী মহিলাক।

বাক্সা জিলাৰ বাসিন্দা মাইনাও ব্ৰহ্ম নামৰ মহিলাগৰাকীক নতুন দিল্লীৰ পৰা গুৱাহাটী পোৱাৰ সময়তে আৰক্ষীয়ে আটক কৰে।

জানিব পৰা মতে, এই কেলেংকাৰি প্ৰকাশ পোৱাৰ পিছৰে পৰা নতুন দিল্লীত আত্মগোপন কৰি আছিল মাইনাও।

লগতে পঢ়কঃ মুখ্য ন্যায়াধীশ ডি ৱাই চন্দ্ৰচুড়ৰ ঘৰত গণেশ পূজাত উপস্থিত মোডী; ফটোক কেন্দ্ৰ কৰি নতুন জল্পনা

বাতৰি অনুসৰি, বিনিয়োগকাৰীক নিয়মীয়াকৈ লাভৰ প্ৰতিশ্ৰুতি দি মাইনাও ব্ৰহ্মই অসংখ্য বিনিয়োগকাৰীক প্ৰতাৰণা কৰাৰ অভিযোগ উত্থাপন হৈছে। প্ৰতাৰণাৰ বলি বেছিভাগেই গ্ৰাম্য অঞ্চলৰ লোক।

ব্ৰহ্মৰ ওচৰত বৃহৎ পৰিমাণৰ ধন জমা কৰা বুলি দাবী কৰি ভুক্তভোগীয়ে এই ধন ব্যৱসায়ৰ বাবে ব্যৱহাৰ কৰা হ’ব বুলি মাইনাওৱে আশ্বাস দিয়াৰ অভিযোগ উত্থাপন কৰে। কিন্তু বিনিয়োগকাৰীয়ে তেওঁলোকৰ ধন ঘূৰাই বিচৰাত ব্ৰহ্মই ব্যৱসায়িক লোকচানৰ কথা উল্লেখ কৰি অদৃশ্য হোৱাৰ পূৰ্বে ধন ঘূৰাই দিবলৈ অস্বীকাৰ কৰিছিল।

লগতে পঢ়কঃ মধ্যপ্ৰদেশত ভয়ংকৰ ঘটনা, সেনা বিষয়াৰ গাড়ী ৰখাই প্ৰেয়সীক দলবদ্ধ ধৰ্ষণ দুষ্কৃতিকাৰীৰ!

ব্ৰহ্ম আৰু তেওঁৰ স্বামী সমীন স্বৰ্গীয়াৰীয়ে “প্ৰৱঞ্চনামূলক স্কীম”ৰ জৰিয়তে যথেষ্ট ধন সঞ্চয় কৰাৰ অভিযোগ উত্থাপন কৰি কেইবাজনো ভুক্তভোগীয়ে মুছলপুৰ আৰক্ষীক অভিযোগ দাখিল কৰাৰ পিছতে এই কেলেংকাৰী পোহৰলৈ আহে।