ক’ৰ’না বিৰোধী যুঁজ; অৰুণাচলৰ মুখ্য মন্ত্ৰী পেমা খাণ্ডুয়ে আগবঢ়ালে ৩০ লাখ টকা
ক’ৰ’না ভাইৰাছৰ বিৰুদ্ধে যুঁজ দিবৰ বাবে অৰুণাচল প্ৰদেশৰ মুখ্য মন্ত্ৰী পেমা খাণ্ডুয়ে ৩০ লাখ টকাৰ আৰ্থিক বৰঙণি আগবঢ়ায়।
মুখ্য মন্ত্ৰী গৰাকীয়ে আজি ৰাজ্যখনৰ মুখ্য সচিব নৰেশ কুমাৰৰ হাতত ৩০ লাখ টকাৰ চেক প্ৰদান কৰে।
এই বৰঙণি মুখ্য মন্ত্ৰীৰ সাহায্য্ পুঁজিলৈ আবঢ়োৱা হৈছে বুলি কিছু সময় পূৰ্বে নিজৰ টুইটাৰ হেণ্ডলত পেমা খাণ্ডুয়ে জনায়।
Made a contribution of ₹30 lakh from my personal savings for Chief Minister's Relief Fund to fight #coronavirus. Handed over the cheque to Arunachal Chief Secretary today. The battle against #COVID19 virus must be fought collectively as well at individual level. pic.twitter.com/zUh6sWXt9s
— Pema Khandu པདྨ་མཁའ་འགྲོ་། (@PemaKhanduBJP) April 3, 2020
উক্ত ৩০ লাখ টকা নিজৰ ব্যক্তিগত জমা পুঁজিৰ পৰা আগবঢ়োৱা হৈছে বুলিও তেওঁ লগতে জানিবলৈ দিয়ে।
উল্লেখযোগ্য্ যে ২ এপ্ৰলিত অৰুণাচল প্ৰদেশত ক’ৰ’না ভাইৰাছৰ প্রথমটো ঘটনা পোহৰলৈ আহে। ৰাজ্যখনৰ লোহিত জিলৰ তেজুৰ এগৰাকী লোকৰ দেহত ক’ৰ’না ভাইৰাছৰ অৱস্থিতি ধৰা পৰে।
এটা সূত্ৰৰ পৰা জানিব পৰা মতে, ক’ৰ’নাত আক্ৰান্ত লোকজন যোৱা ১৬ মাৰ্চত দিল্লীৰ নিজামুদ্দিনত তবলিগী জামাতত অংশ লৈ নিজ ৰাজ্যলৈ ঘূৰি আহি ২৪ মাৰ্চৰ পৰা কোৱাৰেণ্টাইত আছিল।