উপ নিৰ্বাচন : অসমৰ চাৰিটা সমষ্টিৰ তিনিটাতে বিজেপিৰ বৃহৎ অগ্ৰগতি

অসমৰ চাৰিটা বিধানসভা সমষ্টিৰ উপ নিৰ্বাচনৰ তিনিটা সমষ্টিতে আগবাঢ়ি আছে বিজেপি। বিজেপি আগবাঢ়ি থকা সমষ্টি কেইটা হৈছে ৰঙাপাৰা, ৰাতাবাৰী আৰু সোণাৰি। আনহাতে জনীয়া সমষ্টিত আগবাঢ়ি আছে এ আই য়ু ডি এফ।

চতুৰ্থ ৰাউণ্ডৰ ভোটগণনাৰ অন্তত ৰঙাপাৰা সমষ্টিত বিজেপি প্ৰাৰ্থী ৰাজেন বৰঠাকুৰে ১১,১৩৯টা ভোটত আগবাঢ়ি আছে। আনহাতে ৰাতাবাৰী সমষ্টিত পঞ্চম ৰাউণ্ডৰ অন্তত ৮,৮০০ ভোটত আগবাঢ়ি আছে বিজেপি প্ৰাৰ্থী বিজয় মালাকৰ।

ঠিক সেইদৰে দ্বিতীয় ৰাউণ্ডৰ অন্তত সোণাৰী সমষ্টিত বিজেপি প্ৰাৰ্থী নন্দিকা সন্দিকৈয়ে ৯৭৮টা ভোটত আগবাঢ়ি আছে।

ইফালে বৰপেটা জিলাৰ জনীয়া সমষ্টিত এ আই য়ু ডি এফৰ প্ৰাৰ্থী ৰফিকুল ইছলামে বৃহৎ অগ্ৰগতি ল’বলৈ সক্ষম হৈছে। জানিব পৰা মতে দশম ৰাউণ্ডৰ অন্তত ৰফিকুল ইছলামে ১৮,৫৪১টা ভোটত আগবাঢ়ি আছে।