ভাৰতীয় মাইক্ৰ’ ব্ল’গিং চাইট koo ৰ জৰিয়তে ছ’চিয়েল মিডিয়াত অসমীয়া ভাষাতে সম্পৰ্ক ৰক্ষা কৰিব মুখ্যমন্ত্ৰী হিমন্ত বিশ্ব শৰ্মাই

এটা সম্পূৰ্ণ ভাৰতীয় ভাৰতীয় মাইক্ৰ’ ব্ল’গিং চাইট ।

চাইটোৰ নাম koo, এই চাইটটোৰ জৰিয়তেই আজিৰে পৰা মুখ্যমন্ত্ৰী হিমন্ত বিশ্ব শৰ্মাই ছ’চিয়েল মিডিয়াত সম্পৰ্ক ৰক্ষা কৰি চলিব।

কেৱল সেয়াই নহয়, মুখ্যমন্ত্ৰী শৰ্মাই এই চাইটোত অসমীয়া ভাষাতে বিভিন্ন চৰকাৰী তথ্য প্ৰকাশ কৰিব।

koo মাইক্ৰ’ ব্ল’গিং চাইটটোৰ বিশেষত্ব এয়াই যে এই চাইটটোৰ জৰিয়তে কেইবাটাও ভাৰতীয় আঞ্চলিক ভাষাত বাৰ্তা প্ৰেৰণ কৰিব পাৰি।

যিটো সময়ত টুইটাৰৰ কৰ্তৃপক্ষৰ সৈতে ভাৰত চৰকাৰৰ নানান বিষয়ত আইনী যুদ্ধ চলি আছে সেই সময়তে সম্পূৰ্ণ ভাৰতীয় মাইক্ৰ’ ব্ল’গিং চাইট koo-এ আশাৰ বতৰা কঢ়িয়াই আনিছে।

মুখ্যমন্ত্ৰী হিমন্ত বিশ্ব শৰ্মাই জুন মাহৰ প্ৰথম ভাগতে koo ৰ সৈতে জৰিত হৈ পৰিছিল। বৰ্তমান চাইটোত তেওঁৰ ফলোৱাৰৰ সংখ্যা ৬২,৫৫২ গৰাকী হৈছে।

টুইটাৰতো মুখ্যমন্ত্ৰী শৰ্মাৰ ফলোৱাৰৰ সংখ্যাই ইতিমধ্যে ১ নিযুতৰ ঘৰ অতিক্ৰম কৰিছে।টুইটাৰৰ সৈতে ভাৰত চৰকাৰৰ সংঘাতৰ সূত্ৰপাত ঘটাৰ পিছতে ভাৰত চৰকাৰৰ তথ্য-প্ৰযুক্তি দপ্তৰে koo নামৰ মাইক্ৰ’ ব্ল’গিং চাইটো উদ্ভাৱন কৰিছিল।

বৰ্তমান দেশৰ চৰকাৰী বিভাগৰ লগতে মন্ত্ৰী তথা ৰাজনীতিকসকলে koo চাইটটো ব্যৱহাৰ কৰিবলৈ লৈছে।

অসমবাসীয়ে আজিৰে পৰাই মুখ্যমন্ত্ৰী হিমন্ত বিশ্ব শৰ্মাই অসমীয়াতে লিখা চৰকাৰী বাৰ্তা এই চাইটোত পঢ়িবলৈ সক্ষম হ’ব।