ছিৰিয়াত বিমান আক্ৰমণ; ১০ জন সাধাৰণ নাগৰিকৰ মৃত্যু, কোনে চলালে আক্ৰমণ?

ছিৰিয়াত বিমান আক্ৰমণত ১০ জন লোক নিহত হৈছে। নিহতসকলৰ ভিতৰত চাৰিগৰাকী মহিলা আৰু আটাইকেইজনেই সাধাৰণ নাগৰিক। চুবুৰীয়া ৰাষ্ট্ৰ জৰ্ডানে এই আক্ৰমণ সংঘটিত কৰাৰ সন্দেহ কৰা হৈছে। শুকুৰবাৰে আন্তৰ্জাতিক সংবাদ মাধ্যমৰ বাতৰিত এই তথ্য প্ৰকাশ পাইছে।

স্থানীয় সংবাদ মাধ্যমৰ মতে, দক্ষিণ-পূব ছিৰিয়াৰ ছুইদা প্ৰদেশৰ আৰ্মান আৰু মালহ চহৰক লক্ষ্য কৰি বিমান আক্ৰমণত প্ৰায় ১০ জন সাধাৰণ নাগৰিক নিহত হয়। বৃহস্পতিবাৰৰ এই আক্ৰমণৰ আঁৰত জৰ্ডানৰ বাহিনী আছে বুলি অনুমান কৰা হৈছে। অৱশ্যে জৰ্ডান চৰকাৰে তেওঁলোক জড়িত থকাৰ কথা এতিয়াও নিশ্চিত কৰা নাই।

চহৰখনৰ নিউজ প্লেটফৰ্ম ছুইডা ২৪য়ে জনোৱা মতে, স্থানীয় সময় অনুসৰি মাজনিশাৰ পিছত যুদ্ধবিমানসমূহে আৱাসিক অঞ্চলত একেলগে আঘাত হানে। মালহত এই আক্ৰমণত কিছু ঘৰ-বাৰীৰ বিস্তৰ ক্ষতিসাধন হয়।

লগতে পঢ়কঃ কোচিং চেণ্টাৰত ১৬ বছৰ অনুৰ্ধৰ বাবে নামভৰ্তি বন্ধ; কেন্দ্ৰৰ নতুন নিৰ্দেশনা

আৰমানত দ্বিতীয়টো আক্ৰমণত অৱশ্যে দুটা ঘৰ ভাঙি কমেও ১০ জন সাধাৰণ নাগৰিকৰ মৃত্যু হয়। নিহতসকলৰ ভিতৰত আছে চাৰিগৰাকী মহিলা আৰু পাঁচ বছৰৰ তলৰ দুগৰাকী কন্যা শিশু।

আৰমানৰ বাসিন্দা মুৰাদ আল আব্দুল্লাই জনইছে যে, “যিটো হ’ল সেয়া আছিল শিশু আৰু মহিলাৰ বিৰুদ্ধে হত্যাকাণ্ড। গাঁওসমূহক লক্ষ্য কৰি চলোৱা এই বিমান আক্ৰমণক ড্ৰাগছ সৰবৰাহকাৰীৰ বিৰুদ্ধে যুঁজ বুলি চিহ্নিত কৰিব নোৱাৰি।”

আল আব্দুল্লাই কয় যে এই বোমা আক্ৰমণত কেৱল ড্ৰাগছ সৰবৰাহৰ সন্দেহযুক্ত লোকৰ ঘৰতে সীমাবদ্ধ নহয়। আন আন বাসগৃহও ক্ষতিগ্ৰস্ত হয় এই আক্ৰমণত। তদুপৰি শুই থকা অৱস্থাত গাঁওবাসীৰ ওপৰত হোৱা আক্ৰমণে বহুতকে আতংকগ্ৰস্ত কৰি তুলিছে আৰু আক্ৰমণৰ ফলত অপ্ৰয়োজনীয়ভাৱে অসামৰিক লোকৰ মৃত্যু হৈছিল।

লগতে পঢ়কঃ গুজৰাটৰ নাও দুৰ্ঘটনাত নিহতৰ সংখ্যা ১৪ জনলৈ বৃদ্ধিঃ সাহায্য ঘোষণা

তেওঁ কয় যে পাঁচ বছৰতকৈ তলৰ বয়সৰ দুগৰাকী ছোৱালী ড্ৰাগছ সৰবৰাহৰ লগত জড়িত হোৱাৰ যুক্তিটো তেনেই অৰ্থহীন।