নিউয়ৰ্কত চুৰিকাঘাত প্ৰখ্যাত লেখক চলমান ৰুশ্বডিক

আমেৰিকা যুক্তৰাষ্ট্ৰৰ নিউয়ৰ্কত আক্ৰমণৰ বলি হৈছে প্ৰখ্যাত লেখক ছলমান ৰুশ্বডি। এক অনুষ্ঠানত অংশগ্ৰহণ কৰা ৰুশ্বডিক মঞ্চতে আক্ৰমণ কৰিছে এক দুৰ্বৃত্তই।

অনুষ্ঠানটোত বক্তৃতা দিয়াৰ বাবে থিয় হোৱাৰ সময়তে দৰ্শকৰ মাজৰ পৰা মঞ্চলৈ উঠি অহা এজন ব্যক্তিয়ে চুৰিৰে আক্ৰমণ কৰাৰ লগতে প্ৰহাৰো কৰে।

এই অতৰ্কিত আক্ৰমণত ৰুশ্বডি মঞ্চত বাগৰি পৰে। হঠাতে সংঘটিত হোৱা এই ভয়াৱহ কাণ্ডৰ পিছতে আক্ৰমণকাৰী ব্যক্তিগৰাকীক ঘটনাস্থলীত থকা একাংশ লোকে আটক কৰে।

উল্লেখ্য যে ইছলাম ধৰ্মৰ ধৰ্মগ্ৰন্থ কোৰাণ সম্পৰ্কে কৰা মন্তব্যৰ বাবে ৰুশ্বডি কেইবাবাৰো হত্যাৰ ভাবুকিৰ সন্মুখীন হৈছিল।

বিশেষকৈ ১৯৮০ ৰ দশকৰ শেষৰ ফালে তেওঁৰ ‘দ্য ছেটানিক ভাৰ্চেছ’ নামৰ কিতাপখনৰ বাবে কট্টৰ ইছলামিক সকলৰ ৰোষৰ বলি হৈছিল ৰুশ্বডি।