পতঞ্জলিৰ নিৰামিষ টুথপেষ্ট দন্তকান্তিত মাছৰ উপাদান; পুনৰ বিপদত বাবা ৰামদেৱ!
যোগ গুৰু বাবা ৰামদেৱ আৰু পতঞ্জলি আয়ুৰ্বেদ লিমিটেডৰ স্বত্বাধিকাৰী বালকৃষ্ণৰ বিৰুদ্ধে অভিযোগ কম নহয়। ইণ্ডিয়ান মেডিকেল এছ’চিয়েশ্যনে দাবী কৰিছে যে পতঞ্জলি আয়ুৰ্বেদে ইয়াৰ বিষয়বস্তু অবৈজ্ঞানিক আৰু বিভ্ৰান্তিকৰ শব্দৰে প্ৰচাৰ কৰি আছে। এই অভিযোগৰ ভিত্তিত কোম্পানীটোৰ কেইবাটাও সামগ্ৰী নিষিদ্ধ কৰা হৈছে। এইবাৰ ৰামদেৱ আৰু ডাঙৰ বিপদত পৰিছে। কিয়নো তেওঁৰ সংস্থাৰ বিৰুদ্ধে প্ৰৱঞ্চনাৰ অভিযোগ উত্থাপন হৈছে।
পতঞ্জলিৰ এটা প্ৰডাক্ট ‘দিব্য দন্ত মঞ্জন’। তাত সেউজীয়া লেবেল লগোৱা আছে। অৰ্থাৎ ই নিৰামিষ সামগ্ৰী। কিন্তু অধিবক্তা যতীন শৰ্মাই টুথপেষ্টত মাছ ব্যৱহাৰ কৰা বুলি দাবী কৰে। ‘সমুদ্ৰ ফেন’ নামৰ সাগৰীয় মাছ ব্যৱহাৰ কৰি এই পেষ্ট তৈয়াৰ কৰা হৈছে। ইয়াৰ দ্বাৰা সাধাৰণ জনতা প্ৰতাৰিত হৈছে!
লগতে পঢ়কঃ চিঙৰা বিক্ৰী কৰা ল’ৰাটোৱে ক্লিয়াৰ কৰিলে NEET UG; ১৮ বছৰীয়া যুৱকৰ সফলতা এতিয়া অনুপ্ৰেৰণা
এই অভিযোগৰ ভিত্তিত দিল্লী উচ্চ ন্যায়ালয়ে কেন্দ্ৰীয় চৰকাৰ আৰু ভাৰতীয় খাদ্য সুৰক্ষা আৰু মান প্ৰাধিকৰণ অথবা এফ এছ এছ এ আইক উত্তৰ দিবলৈ চমন জাৰি কৰিছে। কেৱল সেয়াই নহয়, পতঞ্জলিলৈও এখন সুকীয়া জাননী প্ৰেৰণ কৰা হৈছে।
ইয়াৰ পূৰ্বেও এবাৰ ৰামদেৱৰ সংস্থাৰ বিৰুদ্ধে একেই অভিযোগ উত্থাপন হৈছিল। উকীল ছাছা জৈনে অভিযোগ কৰিছিল যে একেটা টুথপেষ্টতে নিৰামিষ বুলি টেগ কৰা হৈছিল আৰু সাগৰীয় মাছৰ বিশেষ অংশ ব্যৱহাৰ কৰা হৈছিল। অৱশ্যে সেই সময়ত পতঞ্জলিয়ে কোনো প্ৰতিক্ৰিয়া প্ৰকাশ কৰা নাছিল।
ইফালে, উত্তৰাখণ্ড ড্ৰাগ কণ্ট্ৰল বিভাগৰ লাইচেন্সিং কৰ্তৃপক্ষই পতঞ্জলিৰ দিব্য ফাৰ্মাচী কোম্পানীৰ ১৪টা সামগ্ৰী নিষিদ্ধ কৰিছে। অনুজ্ঞাপত্ৰ বাতিল কৰা সামগ্ৰীসমূহৰ ভিতৰত আছে, দশৰী গোল্ড, দশৰী ভাটি, দিব্য ব্ৰুংকম, শ্বাসাৰী প্ৰবাহী, শ্বাসাৰী আভালেহ, মুক্ত ভাটি এক্সট্ৰা পাৱাৰ, লিপিডম, বি পি গ্ৰীট, মধুগ্ৰীত, মধুনাশিনী ভাটি এক্সট্ৰা পাৱাৰ, লিভামৃত এডভান্স, লিভোগ্ৰিট গোল্ড, আৰু পতঞ্জলি দৃষ্টি আই ড্ৰপ। ইফালে ড্ৰাগছ এণ্ড মেজিক ৰিমেডিজ এক্য় উলংঘা কৰাৰ অভিযোগত বাবা ৰামদেৱৰ বিৰুদ্ধে অপৰাধমূলক গোচৰ ৰুজু কৰা হৈছে।
You may also like
পাৰ হৈ গ’ল দুৰ্যোগ! গুজৰাটত তাণ্ডৱ চলাই এইবাৰ ৰাজস্থানত ‘বিপৰ্যয়’
বৃহস্পতিবাৰে সন্ধিয়া উপকূলীয় গুজৰাটত ‘তীব্ৰ’ ঘূৰ্ণীবতাহ ‘বিপৰ্যয়’-য়ে আঘাত হানে। বিপৰ্যয়ৰ ফলত দুজন লোকৰ মৃত্যু ঘটিছে। আহত হৈছে কমেও ২২ জন লোক। বিপৰ্যয়ৰ…
পাক সেনাৰ জোৱান ভৰ্তি বাছত বিস্ফোৰণ; কমেও ৬ জন নিহত, আহত ৩০ জনতকৈও অধিক
পাকিস্তানৰ বেলুচিস্তানৰ তুৰবাট অঞ্চলত সংঘটিত এক ভয়ংকৰ বিস্ফোৰণৰ ঘটনাত সেনা জোৱান কঢ়িয়াই অনা এখন বাছক লক্ষ্য কৰি লোৱা হৈছে। অচিনাকি দুষ্কৃতিকাৰীয়ে ৰিম’ট…
বাক্সাৰ নাগ্ৰীজুলিত ভয়ংকৰ পথ দুৰ্ঘটনা, থিতাতে নিহত নাগাৰা নামৰ সুদক্ষ পাঠক
বাক্সাৰ নাগ্ৰীজুলিত সংঘটিত হৈছে এক ভয়ংকৰ পথ দুৰ্ঘটনা। তামুলপুৰ- নাগ্ৰীজুলি পথত আবেলি প্ৰায় ৩-৩০ বজাত সংঘটিত হয় এই পথ দুৰ্ঘটনা। এএছ-২৫- চি…
মনমোহন সিঙৰ শোক পৰ্বৰ মাজতেই নৱবৰ্ষ উদযাপনৰ বাবে বিদেশ ভ্ৰমণ ৰাহুল গান্ধীৰ! সমালোচনা বিজেপিৰ
প্ৰাক্তন প্ৰধানমন্ত্ৰী মনমোহন সিঙৰ মৃত্যু ৰাষ্ট্ৰীয় শোক হিচাপে সমগ্ৰ দেশতে পালন কৰা হৈছে। তেনেস্থলত সেই পৰিৱেশত ছুটী কটাবলৈ ভিয়েটনামত কংগ্ৰেছৰ সাংসদ ৰাহুল…