যোগী আদিত্যনাথৰ ৰাজ্যত আকৌ জঘন্য কাণ্ড : ১৩ মহীয়া কেঁচুৱাক ধৰ্ষণ; অভিযুক্তক গ্ৰেপ্তাৰ আৰক্ষীৰ

যোগী আদিত্যনাথৰ শাসিত উত্তৰ প্ৰদেশত  পুনৰ সংঘটিত হৈছ অতি এক জঘন্য কাণ্ড। এটি ১৩ মহীয়া কেঁচুৱাক ধৰ্ষণ কৰিছে এজন প্ৰতিৱেশী লোকে।

এই নাৰকীয় কাণ্ডটো সংঘটিত হৈছে ৰাজ্যখনৰ কাণপুৰৰ এখন গাঁৱত।

আৰক্ষীয়ে প্ৰকাশ কৰা ঘটনা অনুসৰি কাণপুৰৰ ঘটামপৰুত যোৱা বুধবাৰে সন্ধিয়া সংঘটিত হৈছে এই জঘন্য কাণ্ডটো।

ঘটনাৰ বিৱৰণীৰ মতে সন্ধিয়া কেঁচুৱাটিৰ মাতৃয়ে শহুৰেকৰ সৈতে ঘৰৰ পৰা ১০০ মিটাৰ মান দূৰৈত এৰাল দি থোৱা ছাগলীবোৰ আনিবলৈ যোৱাৰ সময়তে কেঁচুৱাটিৰ খুৰাক সম্বন্ধীয় প্ৰতিৱেশী উমেশ প্ৰজাপতি নামৰ লোকজনে কেঁচুৱাটিক ধৰ্ষণ কৰে।

এজন লোকে এপাল ছাগলীক ঘৰলৈ আনিবলৈ অসুবিধা হয় বাবে কেঁচুৱাটিক ঘৰতে শুৱাই থৈ শহুৰেকসহ কেঁচুৱাটিৰ মাতৃয়ে ছাগলী আনিবলৈ ওলায় গৈছিল।

ইয়াৰ পিছতে তেওঁলোকে কেঁচুৱাটিৰ কান্দোনৰ বিকৎ শব্দ শুনিবলৈ পায়। লগে লগে মাতৃয়ে কেঁচুৱাটিৰ ওচৰলৈ ধাপলি মেলি দৌৰি আহি দেখে যে উমেশ প্ৰজাপতিয়ে তেওঁলোকৰ ঘৰৰ দৌৰি ওলায় গৈছে আৰু কেচুৱাটিৰ শৰীৰৰ পৰা তেজ নিগৰি আছে।

কেঁচুৱাটিৰ মাতৃয়ে চিঞৰ বাখৰ কৰাত চুবুৰীয়া লোকে পলায়ন কৰিবলৈ চেষ্টা কৰা উমেশ প্ৰজাপতিক কৰায়ত্ত কৰে।

স্থানীয় চক্ৰ বিষয়া প্ৰতাপ সিঙে সংবাদ মাধ্যমৰ আগত কয়ে যে ইতিমধ্যে POCSO আইনৰ অধীনত গোচৰ ৰুজু কৰি অভিযুক্ত প্ৰতাপ প্ৰজাপতিক গ্ৰেপ্তাৰ কৰা হৈছে।

আনহাতে শিশুটিক চিকিৎসাৰ বাবে স্থানীয় চিকিৎসালয়ত ভৰ্তি কৰোৱা হৈছে।