খাদ্যপ্ৰেমীৰ বাবে বেয়া খবৰ! জোমাট’য়ে বন্ধ কৰিলে দুটা গুৰুত্বপূৰ্ণ সেৱা

মাত্ৰ চাৰি মাহ পূৰ্বে আৰম্ভ কৰা দুটা সেৱা বন্ধ কৰি দিছে জোমাট’এ। অনলাইন ফুড ডেলিভাৰী কোম্পানীটোৱে জনোৱা মতে, ১ মে’ৰ পৰা জ’মেটো কুইক আৰু জ’মেটো এভাৰিডে সেৱা বন্ধ কৰি দিছে।

চাৰি মাহ পূৰ্বে Zomato-এ এই Quick service আৰম্ভ কৰিছিল। এই সেৱাৰ জৰিয়তে তেওঁলোকে মাত্ৰ ১৫ মিনিটতে গ্ৰাহকৰ ঘৰলৈ অৰ্ডাৰ কৰা খাদ্য ডেলিভাৰী কৰিছিল। জোমাট’ৱে কলকাতা, হায়দৰাবাদ, মুম্বাই, বেংগালুৰুকে ধৰি কেইবাখনো ডাঙৰ চহৰত এই সেৱা আৰম্ভ কৰিছিল। প্ৰথম অৱস্থাত ভাল সঁহাৰি পোৱা গৈছিল। কিন্তু লাহে লাহে ই নিস্তেজ হৈ পৰে।

কিন্তু কিয় হঠাৎ এই সেৱা দুটা বন্ধ হৈ গ’ল? কোম্পানীটোৰ মুখ্য কাৰ্যবাহী বিষয়া অক্ষান্ত গোৱেলে কয় যে, ‘আমি এই সেৱা দুটা আপাততঃ বন্ধ কৰাৰ সিদ্ধান্ত লৈছো। এই মুহূৰ্তত আমাৰ হোটেল বা ৰেষ্টুৰেণ্টত ১০ মিনিটৰ ভিতৰত গ্ৰাহকক তথ্য প্ৰদান কৰিব পৰা আন্তঃগাঁথনি নাই। তদুপৰি গ্ৰাহকক মনত ৰাখি এই সিদ্ধান্ত লোৱা হৈছে।’

আনহাতে, জোমাট’ৱে নিজৰ এভাৰিডে সেৱাৰ জৰিয়তে গ্ৰাহকসকলক ঘৰৰ ক্লাউড কিচেনৰ পৰা পোনপটীয়াকৈ খাদ্য যোগান ধৰিছিল। সেই সেৱাও বন্ধ কৰি দিছে। এই সন্দৰ্ভত কোম্পানীটোৰ মুখ্য কাৰ্যবাহী বিষয়াগৰাকীয়ে কয় যে, ‘আমাৰ প্ৰতিনিধিসকলে ঘৰতে ৰন্ধা খাদ্য গ্ৰাহকক যত্নপূৰ্বক যোগান ধৰিছিল। কিন্তু গ্ৰাহক সন্তুষ্ট নোহোৱাৰ বাবে এই সেৱা বন্ধ কৰি দিয়া হৈছিল।’