ড্ৰাইভাৰৰ চাকৰি খাব AI য়ে! এইবাৰ ভাৰতৰ পথতো চলিব চালকবিহীন গাড়ী
চালকবিহীন গাড়ী কি সম্ভৱ? বিশ্বাস কৰিব নোৱাৰা কথা যেন লাগিলেও কেইদিনমানৰ পাছত ভাৰতৰ পথতো এনে এক আচৰিত দৃশ্য দেখা যাব। এটা ষ্টাৰ্ট আপ কোম্পানী মাইনাছ জিৰ’ই ভাৰতলৈ এখন চমৎকাৰ ইলেক্ট্ৰনিক গাড়ী আনিবলৈ উদ্যোগ লৈছে। এই কোম্পানীটো প্ৰতিষ্ঠা কৰিছে গগনদীপ ৰিহাল আৰু গুৰসিমৰণ কালৰাই।
বাংগালুৰুস্থিত এই কৃত্ৰিম বুদ্ধিমত্তা (AI) কোম্পানীটোৱে চালকবিহীন গাড়ী চলাই অসম্ভৱক সম্ভৱ কৰি তুলিবলৈ চেষ্টা কৰিছে।
কোম্পানীটোৱে ইতিমধ্যে দাবী কৰিছে যে চালকবিহীন এনে গাড়ীখনেই হ’ল ভাৰতৰ প্ৰথমখন অটোনমাছ বাহন। কেমেৰা চেন্সৰ ছুইটৰ দ্বাৰা চালিত এই বৈদ্যুতিক প্ৰ’ট’টাইপটোক zPod বুলি কোৱা হয়।
লগতে পঢ়ক: আপত্তি নৰজিল, অপৰিৱৰ্তিত ৰূপত সদনত দাখিল কৰা হ’ব বন সংশোধনী বিধেয়ক
মাইনাছ জিৰ’ zPod হৈছে কোনো ষ্টিয়াৰিং নোহোৱাকৈ চলি থকা এখন ইলেক্ট্ৰনিক গাড়ী। গাড়ীখনৰ বিশেষ বৈশিষ্ট্য হ’ল AI ৰ সহায়ত ই সহজে যিকোনো পৰিৱেশ আৰু ভৌগোলিক বাধা অতিক্ৰম কৰিব পাৰে। জনা যায় যে গাড়ীখনত হাই ৰিজ’লিউচন কেমেৰা এনেদৰে স্থাপন কৰা হৈছে যে গাড়ীখনত এক শক্তিশালী নেটৱৰ্ক সৃষ্টি হৈছে।
দৰাচলতে এই কেমেৰাবোৰেই হৈছে বাহনখনৰ প্ৰাথমিক চেন্সৰ ব্যৱস্থা। চেন্সৰযুক্ত কেমেৰাই বাহনখনৰ চৌপাশৰ ৰিয়েল টাইমৰ ছবি ধৰি ৰাখি সেইবোৰ AI চিষ্টেমলৈ প্ৰেৰণ কৰে। এই AI ভিত্তিক প্ৰক্ৰিয়াটোৱে নেভিগেচন, গতি নিয়ন্ত্ৰণ আৰু বাধা পৰিহাৰৰ দৰে সকলো সিদ্ধান্ত লয়। কোৱা বাহুল্য যে গাড়ীখনত থকা লেভেল ৫ অটোনমিয়েই গাড়ীখনক অটোনমাছ ড্ৰাইভিঙৰ উচ্চতম স্তৰলৈ লৈ যায়।
লগতে পঢ়ক: হিংসাত্মক পশ্চিমবংগৰ পঞ্চায়ত নির্বাচন; চুৰি হোৱা বেলট বাকচ ‘উদ্ধাৰ’ অসমত
এই চালকবিহীন গাড়ী (Driverless Car) সম্পৰ্কে গগনদীপ ৰিহালে কয় যে তেওঁলোকৰ ষ্টাৰ্টআপ কোম্পানীয়ে কোনো ধৰণৰ গাড়ী নিৰ্মাণ কৰা নাছিল। কাৰণ তেওঁলোকৰ গাড়ী নিৰ্মাণৰ কোনো পৰিকল্পনা নাছিল। তেওঁলোকে মাত্ৰ এটা প্ৰ’ট’টাইপহে নিৰ্মাণ কৰিছে, যিটোৱে শ্ব’কেছ কৰাৰ কাম কৰিব। কিন্তু এনে হাইটেক গাড়ীয়ে এতিয়াও পথত চলাৰ অনুমতি লাভ কৰা নাই।