ডোকলাম সন্দৰ্ভত ভূটানৰ মন্তব্যত উদ্বিগ্নতা বৃদ্ধি ভাৰতৰ! কি কৈছিল প্ৰধানমন্ত্ৰী লোটে শ্বেৰিঙে?
ডোকলাম মালভূমি হৈছে ভাৰত, চীন আৰু ভূটানৰ ত্ৰিকোণীয় সীমান্ত। এইবাৰ ভাৰতে এই বিতৰ্কিত সীমান্ত সন্দৰ্ভত ভূটানৰ মন্তব্যক লৈ চিন্তিত হৈ পৰিছে।
শেহতীয়াকৈ ভূটানৰ প্ৰধানমন্ত্ৰীয়ে কৈছে, “এই মালভূমিক লৈ হোৱা বিবাদৰ সমাধান বিচাৰি উলিওৱাৰ ক্ষেত্ৰত বেইজিংৰ কথা কোৱাৰ সমান অধিকাৰ আছে।”
ভূটানৰ প্ৰধানমন্ত্ৰী লোটে শ্বেৰিংয়ে বেলজিয়ামৰ দৈনিক লা লিব্ৰেৰ সৈতে এক সাক্ষাৎকাৰত এই কথা ব্যক্ত কৰিছিল।
লগতে পঢ়ক: ঘোষণা হ’ল কৰ্ণাটক বিধান সভাৰ নিৰ্বাচনৰ তাৰিখ
ভাৰতে বিশ্বাস কৰে যে চীনে অবৈধভাৱে ডোকলাম দখল কৰিছে। নতুন দিল্লীয়ে এই মালভূমিত কোনো চীনা অংশীদাৰীত্ব স্বীকাৰ নকৰে।
লোটে শ্বেৰিঙে কয়, “এয়া কেৱল ভূটানৰ বাবে সমাধানৰ বিষয় নহয়। আমি তিনিটা পক্ষ আছো। কোনো ডাঙৰ বা সৰু দেশ নাই, তিনিখন সমান দেশ আছে, প্ৰতিখনৰে এক তৃতীয়াংশ ভাগ আছে।”
বাতৰি অনুসৰি, আঞ্চলিক বিবাদৰ সমাধান বিচাৰি চীনৰ অংশগ্ৰহণ সন্দৰ্ভত ভূটানৰ প্ৰধানমন্ত্ৰীৰ বক্তব্য নতুন দিল্লীৰ বাবে অত্যন্ত সমস্যাজনক হ’ব পাৰে। ভাৰতে ইয়াত চীনৰ অংশগ্ৰহণ অস্বীকাৰ কৰে কিয়নো মালভূমিটো সংবেদনশীল শিলিগুৰি কৰিডৰৰ ওচৰত আছে।
২০১৭ চনত চীনে ডোকলামত এটা পথ নিৰ্মাণ কৰিবলৈ চেষ্টা কৰিছিল। ভাৰতীয় সেনাই চীনৰ এই কামত পোনপটীয়াকৈ বাধা দিছিল। ঘটনাটোৱে প্ৰায় দুমাহ ধৰি ভাৰত আৰু চীনা সৈন্যৰ মাজত এক উত্তেজনাপূৰ্ণ পৰিস্থিতিৰ সৃষ্টি কৰিছিল। কোনেও মাটি এৰিব বিচৰা নাছিল। অৱশেষত, উহানত ভাৰতৰ নৰেন্দ্ৰ মোদীৰ সৈতে চীনৰ ৰাষ্ট্ৰপতি জি জিনপিঙৰ বৈঠকৰ পিছত পৰিস্থিতি অলপ স্বাভাৱিক হৈ পৰে।
লগতে পঢ়ক: ধিক হিমন্তৰ স্বাস্থ্যখণ্ড ! চিকিৎসক নাই, অক্সিজেনৰ অভাৱত প্ৰাণ এৰিলে ১৮ মহীয়া শিশুৱে
ডোকলাম সন্দৰ্ভত আলোচনাৰ প্ৰস্তুতি ব্যক্ত কৰি ভূটানৰ প্ৰধানমন্ত্ৰীয়ে কয় “আমি সাজু,’’। আন দুটা পক্ষ সাজু হোৱাৰ লগে লগে আমি আলোচনা কৰিব পাৰোঁ।”