বন্দুকৰ গুলী হেৰুওৱাৰ শাস্তি; সমগ্ৰ চহৰতে লকডাউন জাৰি কৰিলে কিম জং-উনে

ঘটনাটো উত্তৰ কোৰিয়াৰ সৰু চহৰ হেইচানত সংঘটিত হৈছিল।তাত ৬৫৩ টা গুলী হেৰুওৱাৰ শাস্তি হিচাপে সমগ্ৰ চহৰখনতে লকডাউন জাৰি কৰা হৈছে।

জানিব পৰা মতে, ২৫ ফেব্ৰুৱাৰীৰ পৰা ১০ মাৰ্চৰ ভিতৰত চহৰখনৰ পৰা সেনা প্ৰত্যাহাৰ কৰা হৈছিল। সেই সময়ছোৱাতে গুলীবোৰ হেৰাইছিল।

লগতে পঢ়ক: ডোকলাম সন্দৰ্ভত ভূটানৰ মন্তব্যত উদ্বিগ্নতা বৃদ্ধি ভাৰতৰ! কি কৈছিল প্ৰধানমন্ত্ৰী লোটে শ্বেৰিঙে?

ইয়াৰ আগতে হেইচানত সেনা মোতায়েন কৰা হৈছিল। পিছত যেতিয়া তাৰ পৰা সেনা প্ৰত্যাহাৰ কৰা হৈছিল, দেখা যায় যে তেওঁলোকৰ তাত ৬৫৩ টা গুলী কম আছিল। সেইকাৰণে দেশৰ সৰ্বোচ্চ নেতা কিম জং উনে সমগ্ৰ চহৰখনতে লকডাউন জাৰি কৰে। চহৰখনত ২ লাখৰো অধিক বাসিন্দা আছে।

বাতৰি অনুসৰি, প্ৰথমতে সেনা জোৱানসকলে নিজেই গুলীবোৰ বিচাৰিবলৈ আৰম্ভ কৰিছিল। যেতিয়া সেনা বিষয়াসকলে দেখিলে যে গুলীবিলাক পোৱা হোৱা নাই, তেওঁলোকে কৰ্তৃপক্ষক এই বিষয়ে অৱগত কৰে।

লগতে পঢ়ক: ধিক হিমন্তৰ স্বাস্থ্যখণ্ড ! চিকিৎসক নাই, অক্সিজেনৰ অভাৱত প্ৰাণ এৰিলে ১৮ মহীয়া শিশুৱে

ইয়াৰ পিছতে চহৰখনত লকডাউন জাৰি কৰা হয়। অৱশ্যে, সমালোচকসকলে দাবী কৰে যে জনসাধাৰণৰ মাজত আতংক বিয়পাবলৈ মিছাকৈয়ে এইকথা কোৱা হৈছে।