অসমৰ দুখন ৰাজ্যসভাৰ আসনৰ বাবে এগৰাকীকৈ প্ৰাৰ্থী ঘোষণা বিজেপি আৰু কংগ্ৰেছৰ

অসমৰ দুখন ৰাজ্যসভাৰ আসনৰ বাবে অনুষ্ঠিত হ’বলগীয়া নিৰ্বাচনৰ বাবে বিজেপি আৰু কংগ্ৰেছে এগৰাকীকৈ প্ৰাৰ্থীৰ নাম ঘোষণা কৰিছে।

ৰাজ্যসভাৰ এখন আসনৰ বাবে বিজেপিয়ে পবিত্ৰ মাৰ্ঘেৰিটাক প্ৰাৰ্থিত্ব প্ৰদান কৰিছে। পবিত্ৰ মাৰ্ঘেৰিটা অসমৰ সৰ্ব কনিষ্ঠ ৰাজ্যসভাৰ সাংসদ হ’বলৈ আগবাঢ়িছে।

পবিত্ৰ মাৰ্ঘেৰিটা ৰাজ্যসভাৰ নিৰ্বাচনত জয়ী হৈ দিল্লীলৈ যোৱাটো প্ৰায় নিশ্চিত।

লগতে পঢ়ক: আৰক্ষী ৰাজ! মহানগৰীত যান-বাহন আৰক্ষীয়ে ৰাজপথতে মটৰ চাইকেল আৰোহীক প্ৰহাৰ কৰা দৃশ্য ভাইৰেল

আনহাতে, আনখন আসনৰ বাবে বিজেপিয়ে এতিয়াও প্ৰাৰ্থীৰ নাম ঘোষণা কৰা নাই যদিও বহু কেইগৰাকী জ্যেষ্ঠ বিজেপি নেতাই প্ৰাৰ্থিত্ব বিচাৰিছে।

ইপিনে, বিজেপিৰ প্ৰাৰ্থী ঘোষণাৰ পিছতে ৰাজ্যসভাৰ এখন আসনৰ বাবে কংগ্ৰেছেও ইয়াৰ প্ৰাৰ্থীৰ নাম ঘোষণা কৰিছে।

বৰ্তমান কাৰ্যকাল অন্ত পৰিবলগীয়া ৰাজ্যসভাৰ সাংসদ তথা অসম প্ৰদেশ কংগ্ৰেছ কমিটিৰ প্ৰাক্তন সভাপতি ৰিপুন বৰাক কংগ্ৰেছে প্ৰাৰ্থিত্ব প্ৰদান কৰিছে।

লগতে পঢ়ক:কাশ্মীৰ ফাইলছ্

বিধানসভাৰ সকলো বিৰোধী একত্ৰিত হৈ ৰিপুন বৰাৰ বিজয় নিশ্চিত কৰিব বুলি আশা কৰা হৈছে।

অহা ৩১ মাৰ্চত অসমৰ ২ খন আসনৰ বাবে ৰাজ্যসভাৰ নিৰ্বাচন অনুষ্ঠিত হ’ব।