এনআৰচিৰ বিৰোধিতা: মমতা বেনাৰ্জীক ‘বাংলাদেশৰ প্ৰধান মন্ত্ৰী’ হ’বলৈ ক’লে বিজেপি নেতাই

ৰাষ্ট্ৰীয় নাগৰিক পঞ্জী (এন আৰ চি)ৰ বিৰেধিতা কৰা পশ্চিমবংগৰ মুখ্য মন্ত্ৰী মমতা বেনাৰ্জীক উভতি ধৰিছে এগৰাকী বিজেপি নেতাই।

শনিবাৰে বিজেপি নেতা উত্তৰ-প্ৰদেশৰ বেৰিয়া বিধানসভা সমষ্টিৰ বিধায়ক সুৰেন্দ্ৰ সিঙে কয় যে পশ্চিমবংগত এন আৰ চি ৰূপায়ন কৰা হ’ব আৰু তৃণমূল কংগ্ৰেছৰ মুৰব্বীগৰাকীয়ে যদি বাংলাদেশীক ৰাখিব বিচাৰে, তেওঁ বাংলাদেশৰ প্ৰধান মন্ত্ৰী হ’বলৈ চেষ্টা কৰা উচিত।

সিঙে কয় যে মমতা বেনাৰ্জীৰ কাৰণে বেয়া দিন আহি আছে।

‘’যদি তেওঁ বাংলাদেশী লোকৰ সমৰ্থন ৰাজনীতি কৰিব বিচাৰে, তেওঁ বাংলাদেসলৈ যোৱা উচিত। যদি তেওঁৰ সাহস থাকে, তেওঁ বাংলাদেশৰ প্ৰধান মন্ত্ৰী হ’লেই ভাল হ’ব,’’-সাংবাদিকৰ সিঙে এইদৰে কয়।

বিজেপি বিধায়কগৰাকীয়ে লগতে কয় যে পশ্চিমবংগত এন আৰ চি ৰূপায়ন কৰা হ’ব আৰু যিসকলে ভাৰতীয় নাগৰিক হিচাপে নিজকে প্ৰতিপন্ন কৰিব নোৱাৰে তেওঁলোকক তেওঁলোকৰ দেশলৈ সসন্মানে পঠিয়াই দিয়া হ’ব।

বিজেপি বিধায়ক গৰাকীয়ে ৰামায়নৰ কাহিনীৰ উদ্ধৃতিৰে ২০১৯’ৰ লোকসভা নিৰ্বাচনত পশ্চিমবংগত বিজেপিৰ প্ৰদৰ্শনৰ প্ৰসংগ দাঙি দৰে।

তেওঁ কয়,’’লংকাৰ লোকে হনুমানজীক যাবলৈ অনুমতি দিয়া নাছিল কিন্তু তেওঁ তালৈ যোৱাৰ পথ উলিয়াইছিল। যোগী আৰু অমিত শ্বাহে পশ্চিমবংগত প্ৰৱেশ কৰিছিল আৰু তাত বহুকেইখন আসন পাবলৈ সক্ষম হৈছিল।‘’

‘’মমতা বেনাৰ্জী বেংগলৰ ৰাজনৈতিক ৰাণী (লংকিনী)। ৰামে তাত প্ৰৱেশ কৰিছে আৰু শীঘ্ৰেই চৰকাৰৰ পৰিৱৰ্তন হ’ব,’’-সিঙে কয়।

বিজেপি নেতাগৰাকীয়ে লগতে কয়, ‘’বেংগলত এন আৰ চি ৰূপায়ন কৰা হ’ব আৰু বাংলাদেশীসকলক দুটাকৈ খাদ্যৰ টোপোলা দি সন্মান সহকাৰে তেওঁলোকৰ ঘৰলৈ পঠিয়াই দিয়া হ’ব।‘’

উল্লেখযোগ্য যে অসমত এন আৰ চি প্ৰক্ৰিয়া চলি থকাৰে পৰা মমতা বেনাৰ্জীয়ে ইয়াৰ বিৰোধিতা কৰি আহিছে।