বক্সাৰ শিৱ থাপাৰ আন্তঃৰাষ্ট্ৰীয় প্ৰেছিডেন্স কাপত চেম্পিয়নৰ খিতাপ দখল

ভাৰতৰ তাৰকা বক্সাৰ তথা অসম সন্তান শিৱ থাপাই আজি কাজাখাস্তানৰ আস্তানত অনুষ্ঠিত হৈ থকা প্ৰেছিডেন্স কাপৰ বক্সিং টুৰ্নামেণ্টত দুৰ্দান্ত প্ৰদৰ্শনেৰে চেম্পিয়নৰ খিতাপ দখল কৰিবলৈ সক্ষম হয়।

চেম্পিয়নৰ খিতাপ দখল কৰা অসম সন্তান শিৱ থাপা হৈছে আন্তঃৰাষ্ট্ৰীয় প্ৰেছিডেণ্ট কাপৰ বক্সিং টুৰ্নামেণ্টত সোণৰ পদক লাভ কৰা প্ৰথমগাৰকী ভাৰতীয় বক্সাৰ।

প্ৰতিযোগিতাখনত বক্সিং কেৰিয়াৰত প্ৰথমবাৰৰ বাবে ৬৩ কিলোগ্ৰাম শাখাত প্ৰতিদ্বন্দ্বিতা কৰিছিল শিৱ থাপাই।

শুকুৰবাৰে অনুষ্ঠিত ছেমিফাইনেলত থাপাই কিৰ্গিস্তানৰ আৰ্গান কাদিৰিবেকুলুক ৪-১ ৰ পোনপটীয়া ব্যৱধানত পৰাস্ত কৰি ফাইনেলত প্ৰৱেশ কৰিছিল।

উল্লেখযোগ্য যে ছেমিফাইনেল খেলখনত শিৱ থাপাৰ আক্ৰমণাত্মক খেলৰ সন্মুখত কোনোধৰণৰ প্ৰত্যাহবানে আগবঢ়াবলৈ সক্ষম হোৱা নাছিল কিৰ্গিস্তানৰ বক্সাৰগৰাকীয়ে।

ইফালে লাইট ৱেটৰ সফল খেলুৱৈ গৰাকীক অসম বক্সিং সন্থাই অভিনন্দন জনাইছে।