অধিনায়কৰ বিৰুদ্ধে ধূম্ৰপান, মদ্যপানৰ অভিযোগ! অলিম্পিকৰ পূৰ্বে বিপদত জাপানৰ দল

পেৰিছ অলিম্পিকৰ পূৰ্বে বিপদত জাপানৰ মহিলা জিমনাষ্টিকছ দল। কেপ্তেইন শ্বোকো মিয়াতাৰ বিৰুদ্ধে প্ৰস্তুতি শিবিৰত ধূমপান আৰু মদ্যপান কৰাৰ অভিযোগ উত্থাপন হৈছে। শুকুৰবাৰে তেওঁক ঘৰলৈ ঘূৰাই অনা হয়।ইতিমধ্যে বিষটোৰ তদন্ত আৰম্ভ হৈছে।

জাপানৰ মহিলা কলাত্মক জিমনাষ্ট দলৰ চূড়ান্ত প্ৰস্তুতি শিবিৰ চলি আছে মনাকোত। তাতেই জিমনাষ্ট য়ামিয়াটাৰ বিৰুদ্ধে ধূমপান আৰু মদ্যপান কৰাৰ অভিযোগ উত্থাপন হৈছে। তেওঁ জিমনাষ্ট দলৰ অধিনায়ক আছিল। জাপানে অনুশাসনৰ অভিযোগত অলিম্পিকৰ পৰা য়ামিয়াটাৰ প্ৰত্যাহাৰ কৰিছে। তেওঁক মনাকোৰ পৰা টকিঅ’লৈ ঘূৰাই অনা হয়। যদি অপৰাধ প্ৰমাণিত হয়, তেন্তে শাস্তি হ’ব পাৰে।

অলিম্পিকত প্ৰতিটো গোটত জিমনাষ্টিকছৰ পাঁচজন সদস্য থাকিব পাৰে। প্ৰতিযোগিতাত চাৰিজন লোকে অংশগ্ৰহণ কৰিব পাৰে। এজন অতিৰিক্ত সদস্য আছে। যদি কোনোবাই আঘাত পায় বা আন কোনো সমস্যা হয়, তেন্তে অতিৰিক্ত সদস্যই প্ৰতিযোগিতাত অংশগ্ৰহণ কৰিব পাৰে।

জাপান জিমনাষ্টিকছ অৰ্গেনাইজেশ্যনৰ সভাপতি তাদাছি ফুজিতাই কয় যে আমি এই কাণ্ডৰ বাবে আন্তৰিকতাৰে ক্ষমা বিচাৰিছো। মই সকলো কৰ্তৃপক্ষ আৰু য়ামিয়াতাৰ ব্যক্তিগত প্ৰশিক্ষক মুটছুমি হাৰাডাৰ হৈ ক্ষমা বিচাৰিছো। মোৰ আৰু ক’বলগীয়া একো নাই।

টকিঅ’ অলিম্পিক ১৯৬৪ৰ পাছত মহিলা দলীয় কলাত্মক জিমনাষ্টিকছত জাপানে পদক লাভ কৰা নাছিল। এইবাৰ পেৰিছত এই পদক লাভ কৰাৰ বাবে তেওঁলোক অন্যতম প্ৰতিদ্বন্দ্বী আছিল। কিন্তু য়ামিয়াতাৰ অভিযোগে সেই আশাত প্ৰায় পানী ঢালি দিলে।