EPFO, উৎকোচ লোৱাৰ অপৰাধত গুৱাহাটীত চিবিআইয়ে গ্ৰেপ্তাৰ কৰিলে EPFOৰ কৰ্মচাৰীক
প্ৰতিনিধিত্বমূলক ফটো।
EPFO, চেন্ট্ৰেল ব্যুৰো অফ ইনভেষ্টিগেশ্যন (চিবিআই)ৰ বিষয়াৰ এটা দলে গুৱাহাটীত এমপ্লয়জ প্ৰভিডেন্ট ফাণ্ড অৰ্গেনাইজেশ্যন (EPFO)ৰ এজন কৰ্মচাৰীক ৩হাজাৰ টকা উৎকোচ লোৱাৰ অপৰাধত গ্ৰেপ্তাৰ কৰিছে।
চিবিআই-য়ে গ্ৰেপ্তাৰ কৰা কৰ্মচাৰীজনক বিমলাংশু ভট্টাচাৰ্য বুলি চিনাক্ত কৰা হৈছে।
চিবিআইৰ সূত্ৰই জানিবলৈ দিয়া মতে এগৰাকী ব্যক্তিৰ পৰা তেওঁৰ প্ৰভিডেন্ট ফাণ্ডৰ টকা মুকলি কৰি দিয়াৰ বাবে উক্ত ধনখিনি উৎকোচ হিচাপে দাবী কৰা বুলি ভট্টাচাৰ্যৰ বিৰুদ্ধে অভিযোগ আছে।
শনিবাৰে চিবিআইয়ে এমপ্লয়জ প্ৰভিডেন্ট ফাণ্ড অৰ্গেনাইজেশ্যনৰ কৰ্মচাৰীজনক উৎকোচ গ্ৰহণ কৰি থকাৰ সময়ত হাতে লোটে ধৰা পেলায়।
অভিযুক্ত ভট্টাচাৰ্যক শনিবাৰে চিবিআইৰ এখন বিশেষ আদালতত হাজিৰ কৰোৱাৰ পাছত আদালতে তেওঁক তিনিদিনৰ বাবে চিবিআইৰ জিম্মালৈ প্ৰেৰণ কৰে।