গাড়ীৰ পিছফালৰ আসনৰ যাত্ৰীৰ বাবেও বাধ্যতামূলক কৰা হৈছে ছিট বেল্ট; কিয় কৰা হ’ল এই নিয়ম?

এতিয়ালৈকে চালক আৰু সন্মুখৰ আসনৰ যাত্ৰীসকলৰ বাবে ছিটবেল্ট বাধ্যতামূলক আছিল। এইবাৰ গাড়ীৰ পিছফালৰ চিটত বহি থকা যাত্ৰীসকলৰ বাবে  ছিটবেল্ট বাধ্যতামূলক কৰা হৈছে।

ছিটবেল্ট নিপিন্ধিলে ভৰিব লাগিব জৰিমনা। পৰিবহণ বিভাগৰ সূত্ৰ অনুসৰি অহা বছৰৰ ১ এপ্ৰিলৰ পৰাই এই নিয়ম কাৰ্যকৰী হ’ব।

এই সন্দৰ্ভত যোৱা শুকুৰবাৰে পথ পৰিবহণ আৰু ঘাইপথ মন্ত্ৰালয়ে এক খচৰা অধিসূচনা জাৰি কৰিছে। এতিয়াৰে পৰা গাড়ীৰ পিছৰ চিটত ছিটবেল্ট পিন্ধাটো বাধ্যতামূলক বুলি গাড়ী নিৰ্মাতা কোম্পানীসমূহক অৱগত কৰা হৈছে।

লগতে পঢ়কঃ আইৰণৰ অভাৱত ভোগে ৯০ শতাংশ ভাৰতীয় মহিলা; ডাঙৰ ৰোগৰ পৰা হাত সাৰিবলৈ কি কি খাব?

অধিসূচনা অনুসৰি অহা বছৰৰ ১ এপ্ৰিলৰ পৰা দেশত বিক্ৰী হোৱা সকলো গাড়ীতে ‘ৰিয়াৰ ছিট বেল্ট এলাৰ্ম’ লগোৱাটো বাধ্যতামূলক। যাত্ৰী গাড়ীত উঠাৰ লগে লগে এই এলাৰ্ম বাজিব। এই এলাৰ্মটোৱে যাত্ৰীক ছিটবেল্ট নিপিন্ধালৈকে সতৰ্ক কৰি দিব। নিয়ম মানি নচলে কমেও ১ হাজাৰ টকা জৰিমনা ভৰিব লাগিব।

বৰ্তমান চালক আৰু সন্মুখৰ চিটৰ যাত্ৰীৰ বাবে ছিটবেল্ট বাধ্যতামূলক। কেন্দ্ৰীয় মটৰ গাড়ী নিয়মৰ (চিএমভিআৰ) নিয়ম ১৩৮ (৩)ৰ অধীনত পিছফালৰ যাত্ৰীয়েও ছিটবেল্ট পৰিধান কৰাৰ নিয়ম আছে যদিও এতিয়ালৈকে বাধ্যতামূলক নাছিল।

হঠাতে এই নিয়ম কিয় অনা হৈছে? উল্লেখ্য যে ২০২২ চনৰ ৪ ছেপ্টেম্বৰত মহাৰাষ্ট্ৰৰ পালঘৰত টাটা সন্সৰ প্ৰাক্তন অধ্যক্ষ চাইৰাছ মিষ্ট্ৰীৰ গাড়ীয়ে ডিভাইডাৰত খুন্দা মাৰিছিল। দুৰ্ঘটনা সংঘটিত হোৱাৰ লগে লগে তেওঁৰ মৃত্যু হয়।

লগতে পঢ়কঃ নিৰ্বাচনৰ পূৰ্বে ইয়াচিন মালিকৰ জে কে এল এফক আৰু ৫ বছৰৰ বাবে নিষিদ্ধ কৰিলে কেন্দ্ৰই

দুৰ্ঘটনাগ্ৰস্ত গাড়ীত তেওঁৰ লগত আৰু তিনিজনো আছিল। ইয়াৰে এজনৰো মৃত্যু হয় এই দুৰ্ঘটনাত। পিছৰ চিটত বহি আছিল চাইৰাছ মিষ্ট্ৰী। ছিটবেল্ট থাকিলে হয়তো এই অনাকাংক্ষিত মৃত্যুৰ পৰা হাত সাৰিব পৰা গ’লহেঁতেন। ইয়াৰ পিছতে পিছৰ চিটত ছিটবেল্ট বাধ্যতামূলকভাৱে পৰিধান কৰাৰ বিষয়টোও চৰ্চালৈ আহে।