অসমৰ ৰাইজ, দল-সংগঠনৰ প্ৰতিবাদে বচাব নোৱাৰিলে বৰঝাৰ বিমান বন্দৰ; পুঁজিপতিক গতাবলৈ মোদী চৰকাৰৰ অনুমোদন
মোদীৰাজত ন ন কৌশল আৰু ন ন অজুহাতত দেশৰ মূল্যৱান উদ্যোগ, প্ৰতিষ্ঠান আদি ব্যক্তিগতকৰণেৰে পুঁজিপতিৰ হাতত গতাই দিয়াৰ কাৰ্য্য দিনক দিনে বৃদ্ধি পাবলৈ ধৰিছে। এই জনবিৰোধী নীতিৰ শেহতীয়া বলি হ’ল গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰ।
অসমৰ মানুহৰ, দল-সংগঠনৰ সকলো বাধা, প্ৰতিবাদ আওকাণ কৰি বিমান বন্দৰটো ব্যক্তিগত খণ্ডৰ হাতত গতাই দিয়াটো নিশ্চিত কৰিছে মোদীৰ কেবিনেটে। মোদীৰ অধ্যক্ষতাত অনুষ্ঠিত কেবিনেটে বিমান বন্দৰটো ব্যক্তিগতকৰণৰ ক্ষেত্ৰত যাৱতীয় অনুমোদন জনাইছে।
ইয়াৰ ফলত বিমান বন্দৰটো ব্যক্তিগত খণ্ডৰ সৈতে যৌথভাৱে অৰ্থাৎ ‘পাব্লিক প্ৰাইভেট পাৰ্টনাৰশ্বিপ’ (পি পি পি) ব্যৱস্থাৰ অধীনত পৰিচালনা কৰা হ’ব। বিমান বন্দৰটোৰ ৰাজহ সংগ্ৰহকে ধৰি বিভিন্ন দিশত নতুন নীতি-নিয়ম দেখিবলৈ পোৱা যাব আৰু হয়তো অধিক মুনাফাৰ লক্ষ্যৰে যাত্ৰীৰ ওপৰত বোজাৰ সৃষ্টি কৰা হ’ব।
৭ নৱেম্বৰৰ নিশা বহ কেন্দ্ৰীয় কেবিনেটে গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰৰ উপৰি দেশৰ আন ৫টা বিমান বন্দৰ ক্ৰমে আহমেদাবাদ, জয়পুৰ, লক্ষ্ণৌ, থিৰুৱনন্তপুৰম আৰু মাংগালুৰু বিমান বন্দৰো ব্যক্তিগত খণ্ডৰ হাতত তুলি দিয়াৰ সিদ্ধান্ত লৈছে।
মন কৰিব লগীয়া যে পুঁজিপতিসকলৰ স্বাৰ্থ পূৰণৰ ক্ষেত্ৰত কংগ্ৰেছতকৈ এখোজ আগুৱাই কাম কৰি অহা মোদী নেতৃত্বাধীন বিজেপি চৰকাৰে ৰাজহুৱা খণ্ডৰ হাতৰ পৰা কাঢ়ি নি পুঁজিপতিক গতোৱাৰ ক্ষেত্ৰত দেশৰ ঐতিহ্যক্ষেত্ৰ, ৰেইল ষ্টেইশ্যন, বিমান বন্দৰ, তৈলক্ষেত্ৰ আদি একোকে বাদ দিয়া নাই। এইবোৰ মূল্যৱান উদ্যোগ, প্ৰতিষ্ঠান পুঁজিপতিক গতাবলৈ বিভিন্ন কৌশল আৰু অজুহাতৰ অচিলা লৈ আহিছে মোদী চৰকাৰে।
You may also like
ভয়ানক! উচ্চ ন্যায়ালয়ৰ মুখ্য ন্যায়াধীশৰ সন্মুখতে ডিঙি কাটিলে এজন ব্যক্তিয়ে
কৰ্ণাটকত সংঘটিত হৈছে এক ভয়ানক কাণ্ড। উচ্চ ন্যায়ালয়ত গোচৰৰ শুনানি চলি থকা সময়ত ন্যায়াধীশৰ চকুৰ সমুখতে হঠাত চোকা অস্ত্ৰৰে নিজৰ ডিঙি কাটি…
ক’ত আছে ‘ৰামায়া ৱাস্তাভায়া’ চিনেমাৰ নায়ক? অভিনয় এৰি কি কামত ব্যস্ত তেওঁ?
দুখনেই মাত্ৰ চিনেমাত অভিনয়। তাৰপিছত শেষ হৈ গ’ল কেৰিয়াৰ। অৱশ্যে বৰ্তমানৰ তেওঁ কোটিপতি। মুঠ সম্পত্তিৰ পৰিমাণ ৪৭০০ কোটি টকা। শ্ৰুতি হাছানৰ সৈতে…
দিল্লীত পুনৰ সন্ত্ৰাসবাদী আক্ৰমণৰ পৰিকল্পনা কৰা ৪জন কাশ্মিৰী যুৱকক গ্ৰেপ্তাৰ
দিল্লী আৰক্ষীৰ বিশেষ শাখাই দিল্লীৰ পৰা ৪জন কাশ্মিৰী যুৱকক ৰাজধানীখনত সন্ত্ৰাসবাদী আক্ৰমণৰ পৰিকল্পনা কৰাৰ অভিযোগত গ্ৰেপ্তাৰ কৰিছে। এটা বিবৃতিত আৰক্ষীয়ে জানিবলৈ দিয়ে…
‘’প্ৰমোদ বড়ো এজন ছদ্মবেশী বিজেপি নেতা,তেওঁ ট্ৰেক্টৰত উঠি বিজেপিৰ প্ৰচাৰ চলাই আছে,’’-কোনে ক’লে?
অসম বিধানসভাৰ নিৰ্বাচনৰ পৰিপ্ৰেক্ষিতত বিটিচি অঞ্চলটো নিৰ্বাচনী কুচকাৱাজ তুংগত উঠিছে। ইয়াৰ মাজতে নিৰ্বাচনৰ প্ৰাকমুহূৰ্তত বুধবাৰে সদৌ বিটিচি সংখ্যালঘু ছাত্ৰ সন্থা চমুকৈ এবিএমছুৰ…