পুৰুষ নে মহিলা! কাৰ বেছি বুদ্ধি? চাণক্যই কৈ গৈছে প্ৰকৃত সত্য!

বিখ্যাত অৰ্থনীতিক তথা দাৰ্শনিক চাণক্যৰ বিষয়ে আমি সকলোৱে জানো। তেওঁ মানুহৰ জীৱনৰ বিষয়ে বহু কথাই কৈছিল। তেওঁ কৈছে, কিছুমান ক্ষেত্ৰত মহিলা পুৰুষতকৈ বহু আগবঢ়া। চাওঁ আহক মহিলাসকলে পুৰুষক অতিক্ৰম কৰা কিছুমান ক্ষেত্ৰ আৰু চানক্যই কি কৈছে…

চাণক্যৰ মতে পুৰুষতকৈ মহিলাৰ খাদ্য গ্ৰহণ দুগুণ, বুদ্ধিমত্তা চাৰিগুণ, সাহস ছয়গুণ আৰু কামনা আঠগুণ। এই দুটা শাৰীত আচাৰ্য চাণক্যই নাৰীৰ ৪টা বৈশিষ্ট্যৰ বৰ্ণনা কৰিছে। মহিলাৰ খাদ্য গ্ৰহণ পুৰুষতকৈ দুগুণ বুলি বৰ্ণনা কৰা হৈছে। পুৰুষতকৈ মহিলাই বেছি শাৰীৰিক কাম কৰিব লগা হয়। ঘৰৰ সকলো কাম তেওঁলোকে কৰে। ল’ৰা-ছোৱালীৰ যত্ন লোৱাটোও তেওঁলোকৰ দায়িত্ব। ইয়াৰ বাবে যথেষ্ট শাৰীৰিক শক্তিৰ প্ৰয়োজন। গতিকে পুৰুষতকৈ অধিক খাদ্য গ্ৰহণ কৰে।

চাৰিগুণ বেছি বুদ্ধিমত্তা

আচাৰ্য চাণক্যই কৈছে যে নাৰী পুৰুষতকৈ চাৰিগুণ বেছি বুদ্ধিমান। কেৱল পৰিয়ালটোৱেই নহয়, আত্মীয়-স্বজনকো চোৱা-চিতা কৰে। তেওঁলোকৰ বুদ্ধি অতি চোকা। কেৱল মহিলাইহে ঘৰখন চম্ভালিব জানে। সৰু সৰু কথাবোৰ তেওঁলোকে বৰ ভালকৈ বুজি পায়।

আচাৰ্য চাণক্যই কৈছে যে পুৰুষতকৈ নাৰীৰ কামনা আঠগুণ বেছি। অৱশ্যে ইয়াক তেওঁ পাপ বুলি গণ্য কৰা নাই। ই অনৈতিক বা তেওঁলোকৰ উদাসীনতাৰ লক্ষণ নহয়। নাৰীয়ে সন্তান জন্ম দিব লাগে। সেয়ে এই ধৰণৰ অনুভুতি তেওঁলোকৰ মাজত প্ৰবল। তেওঁ কয় যে পিতৃৰ ঋণ পৰিশোধ কৰাৰ সহজ পথ কামনা। এই ঋণ পৰিশোধ কৰা হয় সন্তান জন্ম দি।

ছয়গুণ বেছি সাহস

চাণক্যই কৈছে যে পুৰুষতকৈ মহিলাৰ সাহস ছয়গুণ বেছি। মানুহৰ বিপৰীতে, মাইকী জীৱ-জন্তু আৰু চৰাইবোৰে পোৱালিক সুৰক্ষা দিওঁতে বহুগুণে শক্তিশালী হৈ উঠে। সিহঁতে যুঁজ এৰি নিদিয়ে। পৰিয়ালক সুৰক্ষা দিবলৈ মহিলাসকলে সাহসী সিদ্ধান্ত লয়।

চাণক্যৰ কথাটো বুজি পোৱাটো জৰুৰী

সময়ৰ পৰিৱৰ্তনৰ লগে লগে এতিয়া সকলো ওলোটা হৈ পৰিছে। মহিলাসকলে খাদ্য কম খাবলৈ পায়, যাৰ ফলত তেওঁলোকে পুষ্টিহীনতাত ভুগিবলগীয়া হয়। পিতৃতান্ত্রিক সমাজে নাৰীক কোনো সিদ্ধান্ত লোৱাৰ অধিকাৰ নিদিয়ে। আনকি তেওঁলোকৰ বুদ্ধিমত্তাৰ ওপৰতো প্ৰশ্ন উত্থাপন কৰা হয়।

কিন্তু, এতিয়া মহিলাসকলে শিক্ষিত হৈছে, সেয়ে তেওঁলোকে নিজৰ প্ৰতিভা দেখুৱাবলৈ আৰম্ভ কৰিছে। পুৰুষতকৈ সকলো দিশতে আগবাঢ়ি গৈছে। ঘৰৰ ভিতৰৰ আৰু বাহিৰৰ কাম দুয়োটা অতি সহজে চম্ভালিব পাৰে।

চাণক্যই কোৱা কথাখিনি যদি পুৰুষ-মহিলা উভয়েই বুজি পায়, তেন্তে জীৱনত কোনো সমস্যা নাথাকিব। সম্পৰ্কবোৰ সদায় মধুৰ হৈ থাকিব।