ছত্তিশগড়ত আৰক্ষীৰে সংর্ঘষত নিহত এগৰাকী মহিলা নক্সাল বিদ্ৰোহী; আহত দুই আৰক্ষী

এগৰাকী মহিলা নক্সাল বিদ্ৰোহী নিহত হৈছে ছত্তিশগড়ত।

বুধবাৰে পুৱা ছত্তিশগড়ৰ নাৰায়ণপুৰ জিলাত আৰক্ষীৰে হোৱা সংঘৰ্ষত নিহত হৈছে মহিলা নক্সাল বিদ্ৰোহী গৰাকীৰ।

সংবাদ প্ৰতিষ্ঠান পিটিআইয়ে নাৰায়ণপুৰ জিলাৰ আৰক্ষী অধীক্ষ মোহিত গাৰ্গৰ উদ্ধৃতিৰে প্ৰকাশ কৰা বাতৰি মতে নাৰায়ণপুৰ জিলাৰ ছ’টেডংগৰ আৰক্ষী থানাৰ অন্তৰ্গত এক অৰণ্যাঞ্চলত আজি পুৱা ৮ বজাত আৰক্ষীয়ে অভিযান কালত এক সংঘৰ্ষৰ সূত্ৰপাত হয়।

প্ৰেটলিঙত যোৱা আৰক্ষী দলটোলৈ কাদেমেটা আৰক্ষী চাউনিৰ ওচৰৰ অৰণ্যত নক্সাল বিদ্ৰোহীৰ এটা দলে গুলী বৰ্ষণ কৰাৰ লগতে আইইডি নিক্ষেপ কৰে। ইয়াৰ পিছতে দুয়োপক্ষৰ মাজত গুলীয়া-গুলীৰ সূত্ৰপাত ঘটে।

আৰক্ষী অধীক্ষ গাৰ্গে সংবাদ প্ৰতিষ্ঠান পিটিআইক কয় যে সংঘৰ্ষত দুজন আৰক্ষীৰ লোক আহত হয়।

সংঘৰ্ষৰ পিছত উক্ত ঠাইৰ পৰা আৰক্ষীয়ে এগৰাকী মহিলা নক্সাল বিদ্ৰোহীৰ মৃতদেহৰ লগতে দুটা ৰাইফল উদ্ধাৰ কৰে।