উত্তেজনা! পূৱ লাডাখৰ প্ৰকৃত নিয়ন্ত্ৰণ ৰেখাৰ ওচৰত ভাৰতীয় পশুপালকসকলক হাৰাশাস্তি চীনৰ সেনাৰ
চীনৰ সেনাই লাডাখৰ প্ৰকৃত নিয়ন্ত্ৰণ ৰেখাৰ (এলএচি) ওচৰত ভাৰতীয় পশুপালকসকলক পুনৰ হাৰাশাস্তি কৰাৰ অভিযোগ উত্থাপিত হৈছে।
বাতৰি অনুসৰি, ঘটনাটো শেহতীয়াকৈ পূব লাডাখৰ ডেমচোকত সংঘটিত হৈছে। ফলস্বৰূপে সামৰিক বিশেষজ্ঞৰ একাংশই দুবছৰৰ পিছত অঞ্চলটোত পুনৰ নতুন সংঘৰ্ষৰ আশংকা দেখা পাইছে।
লগতে পঢ়ক: Fight in Flight: মধ্য আকাশতে কাজিয়াত লিপ্ত দুই পাইলট; অৱশেষত দুজনেই নিলম্বিত
চীনা পিপলছ লিবাৰেচন আৰ্মী (পিএলএ)ৰ বিৰুদ্ধে ২০২০ চনত পূৱ লাডাখৰ প্ৰকৃত নিয়ন্ত্ৰণ ৰেখা অতিক্ৰমিভাৰতীয় পশুপালকসকলক অত্যাচাৰ কৰাৰ অভিযোগ উত্থাপিত হৈছিল। তেতিয়াৰ পৰা অঞ্চলটোত ক্ৰমে উত্তেজনা বৃদ্ধি পাই আহিছে।
উল্লেখ্য যে সেই বছৰৰ জুন মাহত দুয়োখন দেশৰ সেনাবাহিনী গালৱান উপত্যকাত এক ৰক্তক্ষয়ী সংঘৰ্ষত লিপ্ত হৈছিল।
গালৱানৰ ঘটনাৰ পিছত এল.এ.চিত উত্তেজনা হ্ৰাস কৰাৰ বাবে ‘মুখামুখি অৱস্থানৰ পৰা সেনাক অঁতৰাই নিয়া’ আৰু ‘সেনাৰ সংখ্যা হ্ৰাস’ কৰা বিষয়ত কেইবালানিও কূটনৈতিক আৰু সামৰিক পৰ্যায়ৰ বৈঠক অনুষ্ঠিত হৈছিল।
লগতে পঢ়ক: ইৰাকী নেতাৰ ৰাজনীতি ত্যাগ: ৰাষ্ট্ৰপতিৰ প্ৰাসাদত প্ৰতিবাদকাৰী-সমৰ্থকৰ তাণ্ডৱ; দেশজুৰি জাৰি কাৰফিউ
কেইবাটাও সংঘাত কেন্দ্ৰত উত্তেজনা হ্ৰাস কৰাৰ ক্ষেত্ৰত একমত হ’লেও ডেমচোকক লৈ এতিয়াও মতভেদ আছে। এনে পৰিস্থিতিত অঞ্চলটোত চীনৰ সেনাৰ সক্ৰিয়তা ভাৰতৰ বাবে উদ্বেগৰ বিষয় বুলি অনুমান কৰা হৈছে।