ধৰ্ষণৰ কথা নিজ মুখে স্বীকাৰ কৰিলে ফুটবলাৰ ক্ৰিষ্টিয়ানো ৰ’নাল্ডোৱে
তথ্য প্ৰমাণৰ অভাৱৰ বাবে এটা ধৰ্ষণৰ গোচৰৰ পৰা মুক্তি পালে ষ্টাৰ ফুটবলাৰ ক্ৰিষ্টিয়ানো ৰ’নাল্ডোৱে। লাছ ভেগাছৰ এখন হোটেলত ক্যাথৰিন মায়ৰগাক নামৰ এগৰাকী যুৱতীক ধৰ্ষণ কৰাৰ অভিযোগত অভিযুক্ত আছিল ফুটবলাৰ গৰাকী।
অৱশ্যে দোষমুক্ত হ’লেও পৰ্তুগালৰ ষ্টাৰ ফুটবলাৰ গৰাকীয়ে যুৱতী গৰাকীক মুখ বন্ধ ৰাখিবলৈ বৃহৎ পৰিমাণৰ ধন ৰাশি প্ৰদান কৰিছিল। এই কথা ফুটবলাৰ গৰাকীয়ে নিজ মুখে স্বীকাৰ কৰে।
উল্লেখ্য ২০০৯ চনতে লাছ ভেগাছৰ এখন হোটেলত ক্যাথৰিন মায়ৰগাক নামৰ যুৱতী গৰাকীক ক্ৰিষ্টিয়ানো ৰ’নাল্ডোৱে ধৰ্ষণ কৰা বুলি অভিযোগ উত্থাপিত হৈছিল।
ঘটনাৰ ৯ বছৰ পাছত অৰ্থাৎ ২০১৮ চনৰ ছেপ্তেম্বৰ মাহতহে যুৱতী গৰাকীয়ে নেভাদাৰ এখন আদালতত ৰ’নাল্ডোৰ বিৰুদ্ধে ধৰ্ষণৰ অভিযোগ দাখিল কৰে।
কিন্তু কোনো তথ্য প্ৰমাণ নোহোৱাৰ বাবে জুভেণ্টাছৰ তাৰকা ষ্ট্ৰাইকাৰ গৰাকীক মাৰ্কিন আদালতে ধৰ্ষণৰ গোচৰৰ পৰা মুক্ত কৰি দিয়ে।
ইয়াৰ পিছতে যুৱতী গৰাকীয়ে ৰ’নাল্ডোৰ বিৰুদ্ধে এটা দেৱানী গোচৰ ৰুজু কৰে। এই গোচৰৰ পাছত ৰ’নাল্ডোৱে যুৱতী গৰাকীক টকা দিয়াৰ কথা স্বীকাৰ কৰে।
ইফালে আদালতে মায়ৰগাৰ গোচৰ খাৰিজ কৰা বুলি জনাইছে ৰ’নাল্ডোৰ আইনজীৱিয়ে।
উল্লেখ্য যে ৰ’নাল্ডোৱে ২০১০ চনতে এই বিষয়টো মীমাংসা কৰাৰ বাবে মায়ৰগাক প্ৰায় চাৰি লাখ মাৰ্কিন ডলাৰ প্ৰদান কৰা হৈছিল বুলি আদালতক লিখিতভাৱে জনাইছে।
আদালতক জনোৱা অনুসৰি ৰ’নাল্ডোৱে প্ৰদান কৰা ধন ৰাশিত যুৱতী গৰাকী সন্তুষ্টও হৈছিল। সেয়ে আদালতে ৰ’নাল্ডোৰ বিৰুদ্ধে থকা ধৰ্ষণৰ গোচৰটো খাৰিজ কৰি দিয়ে।