পূৰ্বৰ অভিলেখ ভংগ কৰি দেশত ২৪ ঘণ্টাত ক’ৰ’নাত আক্ৰান্ত ৭৭,২৬৬ গৰাকী লোক
প্ৰতিনিধিত্বমূলক চিত্ৰ
ক’ৰ’না ভাইৰাছত আক্ৰান্ত লোকৰ ক্ষেত্ৰত পূৰ্বৰ সকলো অভিলেখ ভংগ হ’ল।
দেশত বিগত ২৪ ঘণ্টাত মাৰাত্মক ভাইৰাছ বিধত আক্ৰান্ত হৈছে ৭৭,২৬৬ গৰাকী লোক।
ইফালে যোৱা ২৪ ঘন্টাত ভাইৰাছ বিধে প্ৰাণ কাঢ়ি নিলে ১,০৫৭ গৰাকী লোকৰ।
এতিয়া লৈকে ক’ৰ’না ভাইৰাছত আক্ৰান্ত ৰোগীৰ সংখ্যা হৈছে গৈ ৩৩,৮৭,৫০০ গৰাকী। ইয়াৰে ২৫,৮৩,৯৪৮ গৰাকী ক’ৰ’না মুক্ত হৈছে।
ত্ৰাসৰ সৃষ্টি কৰা ভাইৰাছ বিধে এই পৰ্যন্ত প্ৰাণ কাঢ়ি নিয়া লোকৰ সংখ্যা হৈছে ৬১,৫২৯ গৰাকী।
বৰ্তমান দেশত ৭,৪২,০২৩ গৰাকী ৰোগী চিকিৎসাধীন হৈ আছে।
সুখৰ কথাটো হৈছে ক’ৰ’না ভাইৰাছৰ পৰা মুক্ত হোৱা ৰোগীৰ সংখ্যা দিনক দিনে দেশত বৃদ্ধি পাবলৈ ধৰিছে।
আই চি এম আৰৰ মতে, দেশত ২৭ আগষ্টলৈকে মুঠ ৩,৯৪,৭৭,৮৪৮ গৰাকী লোকৰ ক’ৰ’না ভাইৰাছৰ পৰীক্ষা কৰা হৈছে। বৃহস্পতিবাৰৰ দিনটোতে ৯,০১,৩৩৮ গৰাকীৰ পৰীক্ষা কৰা হৈছে।