হেয়াৰ ষ্টাইলিষ্টৰ ৰূপত ক্ৰিকেটৰ ভগৱান শচীন; ভিডিঅ’ চাই মুগ্ধ অনুৰাগী
ক্ৰিকেটৰ ‘ভগৱান’ মাষ্টাৰ ব্লাষ্টাৰ শচীন তেণ্ডুলকাৰক এগৰাকী হেয়াৰ ষ্টাইলিষ্টৰ ৰূপত আপুনি কল্পনা কৰিব পাৰেনে?
হয় হাতত ফনি-কেচি লৈ এজন নিপুন হেয়াৰ ষ্টাইলিষ্টৰ দৰে পুত্ৰৰ চুলি কতাত ব্যস্ত হৈ থকা দেখা গৈছে ক্ৰিকেটৰ এই মহান তাৰকা গৰাকীক।
উল্লেখযোগ্য যে ভাৰতত লকডাউনৰ বাধা-নিষেধ যথেষ্ট পৰিমাণে শিথিল কৰা হৈছে যদিও চেলুন, পাৰ্লাৰ আদি বন্ধ হৈ আছে, যাৰ বাবে ফনি, কেচি, ত্ৰিমাৰ লৈ নিজেই পুত্ৰ অৰ্জুণৰ চুলি কটাত লাগি যায় শচীন।
অৰ্জুণৰ চুলি কাটোতে ক্ৰিকেটাৰ গৰাকীক তেওঁৰ জী ছাৰা তেণ্ডুকাৰে সহায় কৰে।
শচীন তেণ্ডুলকাৰে তেওঁৰ ইনষ্টাগ্ৰামত প’ষ্ট কৰা উক্ত ভিডিঅ’টো ফলৱাৰসকলৰ মাজত বিৰাট জনপ্ৰীয় হৈ পৰে। মাত্ৰ ২৪ ঘণ্টাৰ ভিৰতৰত ভিডিঅ’টো ৩০ লাখৰ অধিক ভিউ হয়।
‘এগৰাকী পিতৃ হিচাপে আপুনি চব কৰিব লগা হয়, লাগিলে সেয়া নিজৰ ল’ৰা-ছোৱালীৰ সৈতে গে’ম খেলা, তেওঁলোকৰ লগত জিম কৰা আনকি তেওঁলোকৰ চুলিও কাটিব লাগিব।‘ প’ষ্টটোত তেওঁ এইদৰে লিখে।