ভাৰত-চীনা সৈন্যৰ সংঘৰ্ষত ছহিদ হোৱা ভাৰতীয় জোৱানক শ্ৰদ্ধাঞ্জলি ক্ৰিকেটাৰৰ
লাডাখৰ গলৱান উপত্যকাত ভাৰত আৰু চীনা সৈন্যৰ মাজত হোৱা সংঘৰ্ষত এজন কৰ্ণেলসহ ২০ গৰাকী ভাৰতীয় সেনা জোৱানৰো মৃত্যু হোৱা খবৰে শোকস্তব্ধ কৰি তুলিছে দেশবাসীক।
সীমা কেন্দ্ৰিক সংঘৰ্ষত প্ৰাণ হেৰুওৱা এই সকল বীৰ জোৱানক শেষ শ্ৰদ্ধাঞ্জলি জ্ঞাপন কৰিছে ভাৰতীয় ক্ৰিকেট দলৰ অধিনায়ক বিৰাট কোহলী, প্ৰাক্তন ক্ৰিকেটাৰ যুৱৰাজ সিঙৰ লগতে আন বহুতো ক্ৰিকেটাৰে।
টুইটযোগে কোহলীয়ে কয়, ‘আমাৰ দেশ ৰক্ষাৰ বাবে প্ৰাণ আহুতি দিয়া সৈনিক সকলক চালাম আৰু সন্মান জনাইছো। পৰিয়াললৈ সমবেদনা জ্ঞাপন কৰিছো’।
Salute and deepest respect to the soldiers who sacrificed their lives to protect our country in the Galwan Valley. NO one is more selfless and brave than a soldier. Sincere condolences to the families. I hope they find peace through our prayers at this difficult time. ?
— Virat Kohli (@imVkohli) June 17, 2020
যুৱৰাজে কয়, ‘মই আতীয় সৈনিকৰ সাহসক চালাম জনাইছো যিয়ে গলৱান উপত্যকাত ছহিদ হ’ল। ছহিদ পৰিয়ালক শক্তি প্ৰদানৰ বাবে মই প্ৰাৰ্থনা জনাইছো’।
I salute the courage of our Indian soldiers who have been martyred at #GalwanValley
All these atrocities must stop and hope we can have a peaceful world where human life is valued.
My thoughts are with the bereaved families, I pray for their strength ??
— Yuvraj Singh (@YUVSTRONG12) June 16, 2020
প্ৰাক্তন ক্ৰিকেটাৰ মহম্মদ কাঈফেও মাতৃ-ভূমিৰ বাবে প্ৰাণ আহুতি দিয়া ছহিদ সেনাসকলক শ্ৰ্দ্ধাঞ্জলি জ্ঞাপন কৰে।
তদুপৰি ভাৰতীয় দলৰ বৰ্তমানৰ অপেনিং বেটছমেন শিখৰ ধাৱানে কয়, ‘তেওঁলোকৰ বলিদান ৰাষ্ট্ৰই কেতিয়াও পাহৰিব নাযায়। তেওঁলোকৰ পৰিয়াললৈ সমবেদনা জ্ঞাপন কৰিলো’।
ইয়াৰ উপৰি প্ৰাক্তন বেগী বলাৰ ইৰফান পাঠানেও ছহিদ জোৱানসকলক শ্ৰদ্ধাঞ্জলি জ্ঞাপন কৰাৰ লগতে তেওঁলোকৰ বলিদানৰ বাবে ৰাষ্ট্ৰ সদাই ঋণী বুলি মন্তব্য কৰে।