সংকটগ্ৰস্ত শ্ৰীলংকাত ঔষধৰ মূল্যবৃদ্ধিত হাহাকাৰ সাধাৰণ জনতাৰ

শ্ৰীলংকাত অৰ্থনৈতিক সংকট অব্যাহত থকাৰ সময়তে দ্বীপৰাষ্ট্ৰখনে ঔষধৰ মূল্য পুনৰ বৃদ্ধি কৰিছে। ছয় সপ্তাহৰ ভিতৰত এইটো ঔষধৰ এনেধৰণৰ দ্বিতীয় মূল্যবৃদ্ধি।

বাতৰি অনুসৰি, দেশখনে ঔষধসমূহৰ মূল্য ৪০ শতাংশ বৃদ্ধি কৰিছে য’ত আনকি আটাইতকৈ নিয়মীয়া ব্যৱহাৰৰ ঔষধো অন্তৰ্ভুক্ত আছে।

যোগান আৰু মূল্যই উদ্বেগ সৃষ্টি কৰাৰ মাজতে নাগৰিকসকলক এতিয়া হয় হ্ৰস্বকালীন চিকিৎসা নিদান ল’বলৈ বা বিদেশৰ পৰা ঔষধ মগাই আনিবলৈ বাধ্য কৰা হৈছে।

ঔষধৰ মূল্য বৃদ্ধি কৰাৰ সময়ত চৰকাৰে দাবী কৰিছে যে ইয়াৰ কোনো বিকল্প নাই। শ্ৰীলংকাৰ কৰ্তৃপক্ষই এইটোও দাবী কৰিছে যে চৰকাৰে স্বেচ্ছাই ঔষধৰ মূল্য বৃদ্ধি কৰা নাই।

লগতে পঢ়ক: সংসদত মহিলা সহকৰ্মীৰ কাষত বহি পৰ্ণ’গ্ৰাফী চোৱাৰ অভিযোগত নিলম্বিত ব্ৰিটিছ সাংসদৰ পদত্যাগ

তদুপৰি, চৰকাৰে দাবী কৰে যে যিহেতু সংকটৰ বাবে টকাৰ মূল্য হ্ৰাস পাইছে, সেয়েহে মূল্য বৃদ্ধি নকৰাৰ বাবে বেছিভাগ ঔষধৰ যোগান কমি গৈছে।

আনকি মূল্য বৃদ্ধি আৰু যোগানৰ নাটনিৰ বাবে এতিয়া মানুহে চিকিৎসকে নিদানপত্ৰ দিয়া নিৰ্ধাৰিত ঔষধ কমকৈ ক্ৰয় কৰিবলৈ বাধ্য হ’ব বুলিও একাংশ চিন্তিত হৈ পৰিছে।