স্কুল বেগ কিনি দিবলৈ পইচা নাছিল পিতৃৰ; কিন্তু তেওঁ গ্ৰহণ কৰা পদক্ষেপে দৃষ্টি কাঢ়িলে বিশ্বৰ
শিক্ষাৰ অধিকাৰ আমাৰ সকলোৰে আছে। শিক্ষাই কেতিয়াও ধনী-দুখীয়া বিবেচনা নকৰে। মানৱ জীৱনত সন্মুখীন হোৱা সৰু সৰু অসুবিধা সমূহে যাতে শিশুৰ শিক্ষা জীৱনত ব্যাঘাত জন্মাব নোৱাৰে তাৰ বাবে কম্বোডিয়াৰ এজন পিতৃয়ে লোৱা পদক্ষেপৰ দৃষ্টান্ত এতিয়া ইন্টাৰনেটত হৈ পৰিছে চৰ্চাৰ বিষয়।
এটা হাতেসজা স্কুল বেগ। পইছাৰ অভাৱৰ বাবে পুত্ৰক স্কুল বেগ কিনি দিব নোৱাৰি নিজহাতেই তেওঁ আটকধুনীয়াকৈ সাজি উলিয়ালে এটা স্কুল বেগ।
সেই হাতেসজা বেগটোৰ ফটো শ্বেয়াৰ কৰি স্কুলখনৰ শিক্ষক এজনে লিখিলে –
‘’এনেকুৱা উদাহৰণ এতিয়াও বহু আছে য’ত শিক্ষাৰ মৌলিক অধিকাৰ সমূহ পূৰণ কৰিব নোৱাৰাৰ বাবে বহু অভিভাৱকে নিজৰ ল’ৰা ছোৱালীক স্কুললৈ নপঠিয়ায়। ল’ৰা-ছোৱালীক আগবাঢ়ি যোৱাত সহায় কৰক। কিছুমান বিকল্পই পদক্ষেপেও সকলো অভাব পূৰ কৰিব পাৰে।‘’
কম্বোডিয়াৰ এই পাঁচ বছৰীয়া শিশুটিৰ নাম হৈছে নি কং। কঙৰ পিতৃৰ হাতৰ কাম দেখি কঙৰ শিক্ষকে বোৰ্দ পাণ্ডা নামৰ বাতৰি সংস্থাটোক ক’লে – কম্বোডিয়াত সাধাৰণ স্কুল বেগ এটাৰ দাম ৩০০০০ কম্বোডিয়ান ৰিয়েল যাৰ ভাৰতীয় হিচাপত মূল্য হ’ব প্ৰায় ৪৮০ টকা। কৃষিকৰ্ম কৰি পৰিয়াল পোহপাল দি অহা কঙৰ পিতৃৰ কাৰণে ৩০০০০ কম্বোডিয়ান ৰিয়েল সহজলভ্য নাছিল আৰু সেই বাবেই নিজৰ পুত্ৰৰ বাবে তেওঁ সাজি উলেয়ালে এই বেগ।
কঙৰ পিতৃৰ দ্বাৰা হাতে সজা এই বেগটো কিছুমান বিদেশী পৰ্যটকৰ ইমানেই পছন্দ হ’ল যে তেওঁলোকে ইয়াৰ অধিক মাত্ৰাত অৰ্ডাৰ দি দিলে। কঙৰ পিতৃৰ বাবে জীৱিকা অৰ্জনৰ ই হৈ পৰিল আন এক বিকল্প।
ছ’চিয়েল মিডিয়াত ভাইৰেল হৈ পৰা ফটো কেইখনত যুক্ত কৰা কেইটামান মন্তব্য :