টীয়কৰ চেলেংহাট হালোৱা গাঁৱত এগৰাকী মহিলাৰ মৃতদেহ উদ্ধাৰ

যোৰহাট জিলাৰ টীয়কৰ চেলেংহাট হালোৱা গাঁৱত আজি এগৰাকী মহিলাৰ মৃতদেহ উদ্ধাৰ হয়। মৃতদেহটো ডালিম বাগিছাৰ নিয়মীয়া কৰ্মচাৰী চনিয়া ভূমিজৰ বুলি জানিব পৰা গৈছে।

পুৱা স্থানীয় কোনো ব্যক্তিয়ে ঘৰৰ পৰা কিছু নিলগত মৃতদেহটো পৰি থকা অৱস্থাত  দেখা পাই আৰক্ষীক খবৰ দিয়ে।

আৰক্ষীয়ে ইতিমধ্যে ঘটনাস্থলীত উপস্থিত হৈ তদন্ত আৰম্ভ কৰিছে। মৃতদেহটোৰ ডিঙিত আঘাতৰ চিন আছে।

লগতে পঢ়ক: ষষ্ঠ অনুসূচীত অন্তৰ্ভুক্তিৰ নামত প্ৰতাৰণা: ৰাভা জাতীয় সংগঠনৰ জোৰ সমদল

ওচৰ চুবুৰীয়াৰই জনোৱা মতে কালি দিনত মহিলাগৰাকী বেংকলৈ গৈছিল।

টকা পইচাৰ বাবেই এই ঘটনাটো ঘটা বুলি সন্দেহ কৰিছে স্থানীয় ৰাইজে।

ইপিনে মহিলাগৰাকীয়ে নিশা ঘৰৰ পৰিয়ালৰ সদস্যৰ সৈতে নৈশ আহাৰ গ্ৰহণ কৰি মোবাইলত কথা পাতি পাতি ঘৰৰ পৰা ওলাই আহিছিল বুলি পৰিয়ালৰ সদস্যই জানিবলৈ দিছে।