নাবালিকা কন্যাক নিৰ্যাতন! ডাঃ ৱালিউল ইছলাম, বনকৰা মহিলাক গ্ৰেপ্তাৰ; ক’ত ডাঃ সংগীতা দত্ত?
গুৱাহাটীৰ চিকিৎসক দম্পতী ডাঃ ৱালিউল ইছলাম আৰু ডাঃ সংগীতা দত্তৰ বিৰুদ্ধে তোলনীয়া কন্যাক নিৰ্যাতন চলোৱাৰ গুৰুতৰ অভিযোগ উত্থাপিত হোৱাৰ পিছত শুকুৰবাৰে ডাঃ ৱালিউল ইছলামক পল্টনবজাৰ আৰক্ষীয়ে আটক কৰিছিল।
আজি চিকিৎসক ডাঃ ৱালিউল ইছলামক আৰক্ষীয়ে গ্ৰেপ্তাৰ কৰিছে। ডাঃ ইছলামৰ লগতে বনকৰা এগৰাকী মহিলাকো আৰক্ষীয়ে গ্ৰেপ্তাৰ কৰিছে। গ্ৰেপ্তাৰ কৰা বনকৰা মহিলাগৰাকীৰ নাম হৈছে লক্ষ্মী নাথ বুলি জানিব পৰা গৈছে।
লগতে পঢ়ক: মনোৰোগ বিশেষজ্ঞ ডাঃ সংগীতা দত্ত আৰু তেওঁৰ স্বামীৰ বিৰুদ্ধে নাবালিকা কন্যাক ‘নিৰ্যাতনৰ’ অভিযোগ
ইপিনে, ডাঃ ৱালিউল ইছলামৰ অভিযুক্ত পত্নী মনোৰোগ বিশেষজ্ঞ ডাঃ সংগীতা দত্তই সম্প্রতি ধৰা দিয়া নাই। ডাঃ ৱালিউল ইছলাম আৰু লক্ষ্মী নাথৰ বিৰুদ্ধে কেবাটাও গোচৰ ৰুজু কৰা হৈছে।
শনিবাৰে বিয়লি দুয়োকে আদালতত হাজিৰ কৰোৱা হ’ব। আনহাতে, গ্ৰেপ্তাৰৰ ভয়তে মনোৰোগ বিশেষজ্ঞ ডাঃ সংগীতা দত্তই পলায়ন কৰাৰ সন্দেহ কৰা হৈছে।
উল্লেখ্য যে শুকুৰবাৰে গুৱাহাটীৰ মণিপুৰী বস্তিত থকা নিজা বাসগৃহৰ পৰা ডাঃ ৱালিউল ইছলাম আৰু তেওঁৰ পত্নী ডাঃ সংগীতা দত্তই নাবালিকা কন্যাক নিৰ্যাতন চলোৱাৰ অভিযোগৰ ভিত্তিত ডাঃ ইছলামক আৰক্ষীয়ে আটক কৰিছিল।
লগতে পঢ়ক: কি হৈছে অসমত? এইবাৰ গহপুৰত যুৱতীক দলবদ্ধ ধৰ্ষণ; অভিযুক্তক গ্ৰেপ্তাৰ
দম্পতীহালে নাবালিকাগৰাকীক প্ৰহাৰ কৰাৰ লগতে প্ৰায়ে শাস্তি হিচাপে তেওঁলোকে বাস কৰা এপাৰ্টমেণ্ট কমপ্লেক্সৰ ছাদত বান্ধি ৰাখিছিল বুলি অভিযোগ উত্থাপিত হৈছে।
ইপিনে, নিশা ডাঃ সংগীতা দত্তই এটা ভিডিঅ’যোগে এই অভিযোগ অস্বীকাৰ কৰি ইয়াক এক ষড়যন্ত্ৰ বুলি দাবী কৰিছিল।