ৰাষ্ট্ৰপতি পদৰ প্ৰাৰ্থী হোৱাত বাধা নাই ট্ৰাম্পৰ; তেওঁৰ পক্ষতে ৰায় দিলে দেশখনৰ ছুপ্ৰিম কোৰ্টে

আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পে দেশৰ ৰাষ্ট্ৰপতি নিৰ্বাচনত প্ৰাৰ্থী হোৱাত কোনো বাধা নাই বুলি ৰায় দিছে দেশখনৰ ছুপ্ৰিম কোৰ্টে। স্থানীয় সময় অনুসৰি সোমবাৰে দেশৰ সৰ্বোচ্চ ন্যায়ালয়ে এই ৰায় দিয়ে।

সোমবাৰে আমেৰিকাৰ উচ্চতম ন্যায়ালয়ে সৰ্বসন্মতিক্ৰমে ৰায় দিয়ে যে ২০২৪ চনৰ ক’লৰাডো নিৰ্বাচনী বেলটত ড’নাল্ড ট্ৰাম্প থাকিব পাৰে।

মঙলবাৰে ক’লৰাডো আৰু আন ১৪ খন ৰাজ্যত অনুষ্ঠিত হ’বলগীয়া “ছুপাৰ টুইছডে” প্ৰাথমিক নিৰ্বাচনৰ এদিন পূৰ্বে  আমেৰিকাৰ উচ্চতম ন্যায়ালয়ৰ ৰায়দানৰ জৰিয়তে ৰিপাব্লিকান দলৰ ৰাষ্ট্ৰপতি পদৰ আগবাঢ়ি থকা প্ৰাৰ্থীগৰাকীক এক গুৰুত্বপূৰ্ণ জয় লাভ কৰে।

লগতে পঢ়কঃ ইলন মাস্কৰ বিৰুদ্ধে গোচৰ প্ৰাক্তন টুইটাৰ কৰ্মীৰ; প্ৰাক্তন চিইঅ’ পৰাগে বিচাৰিছে ১২ কোটি ডলাৰ

ইয়াৰ পূৰ্বে ক’লৰাডোৰ উচ্চতম ন্যায়ালয়ে ৰায় দিছিল যে ২০২১ চনৰ ৬ জানুৱাৰীত আমেৰিকাৰ কেপিটেল হিলত হোৱা সংঘৰ্ষক উচটনি দিয়াৰ বাবে ট্ৰাম্পে ৰাজ্যখনৰ নিৰ্বাচনত অংশগ্ৰহণৰ বাবে অযোগ্য।

ড’নাল্ড ট্ৰাম্পৰ সমালোচকসকলে ট্ৰাম্পে আমেৰিকাৰ সংবিধান উলংঘা কৰা বুলি অভিযোগ উত্থাপন কৰিছে। এই নিয়ম অনুসৰি বিদ্ৰোহীসকলে ৰাজহুৱা পদবী গ্ৰহণ কৰিব নোৱাৰে। কিন্তু দেশৰ উচ্চতম ন্যায়ালয়ৰ সিদ্ধান্তই ক’লৰাডোৰ ৰায় বাতিল কৰে।

লগতে পঢ়কঃ দেশৰ সকলো হাস্পাতালতে চিকিৎসা ব্যয় সমান কৰা হওক; কেন্দ্ৰক নিৰ্দেশ উচ্চতম ন্যায়ালয়ৰ

এই ৰায় সন্দৰ্ভত ১৩ পৃষ্ঠাৰ স্বাক্ষৰবিহীন মতামতত উচ্চতম ন্যায়ালয়ৰ ৯ জন ন্যায়াধীশে কয় যে সংবিধানে কোনো এখন ৰাজ্যক ৰাষ্ট্ৰপতি পদৰ প্ৰাৰ্থীক ৰাষ্ট্ৰীয় পদৰ পৰা অযোগ্য ঘোষণা কৰিবলৈ অনুমতি নিদিয়ে।