অসমত পুনৰ নতুনকৈ আঠ গৰাকী কোভিড-১৯ পজিটিভ চিনাক্ত; ১৯৯জনলৈ বৃদ্ধি
অসমত পুনৰ নতুনকৈ আঠ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰিছে।
আজি ক’ৰ’না আক্ৰান্ত লোক আঠ কেইগৰাকীৰ ভিতৰত ৩ গৰাকী কোকৰাঝাৰৰ, ২ গৰাকী শিৱসাগৰৰ আৰু ধুবুৰীৰ আৰু এগৰাকী ডিব্ৰুগড়ৰ।
টুইটাৰ যোগে এই কথা জনাইছে স্বাস্থ্য মন্ত্ৰী ডঃ হিমন্ত বিশ্ব শৰ্মাই।
অৱশ্যে, তেওঁলোকৰ পৰিচয় প্ৰকাশ কৰা নাই স্বাস্থ্য মন্ত্ৰী গৰাকীয়ে।
নতুনকৈ ক’ৰ’না আক্ৰান্ত ৮ গৰাকী ব্যক্তিকে ধৰি অসমত ক’ৰ’না আক্ৰান্তৰ সংখ্যা ১৯৯ গৰাকীলৈ বৃদ্ধি পালে।
আজিৰ দিনটোত বৰ্তমানলৈ ৰাজ্যত ১১ গৰাকী লোক কোভিড-১৯-ত আক্ৰান্ত হৈছে।
আজি কোকৰাঝাৰৰ ক’ৰ’না আক্ৰান্ত লোক দুগৰাকীৰ ভিতৰত এগৰাকী কোকৰাঝাৰৰ কোৱাৰেণ্টাইন চেণ্টাৰত আছিল।
উল্লেখযোগ্য যে, ২০ মে’ত ৰাজ্যত মুঠ ৩১ গৰাকী লোক কোভিড-১৯ ভাইৰাছৰ দ্বাৰা সংক্ৰমিত হৈছিল।
বৰ্তমান ৰাজ্যত ১৩৮ গৰাকী এক্টিভ ক’ৰ’না আক্ৰান্ত থকাৰ বিপৰীতে ৫৪ গৰাকী লোকক চিকিৎসাৰ অন্তত চিকিৎসালয়ৰ পৰা মুক্তি দিয়া হৈছে ৷
📌Alert ~ Eight persons found #COVID19 positive – 3 from Kokrajhar; 2 from Sivasagar; 2 from Dhubri; 1 from Dibrugarh.
↗️Total cases 199
↗️Recovered 54
↗️Active cases 138
↗️Deaths 04
↗️Migrated 03Update 6.30 pm / May 21#AssamCovidCount pic.twitter.com/GL14KKIF7J
— Himanta Biswa Sarma (@himantabiswa) May 21, 2020
আনহাতে, বৰ্তমানলৈ অসমত চাৰিগৰাকী লোকৰ ক’ৰ’নাৰ সংক্ৰমণৰ ফলত মৃত্যু হৈছে।
১৯ মে’ক ৰাজ্যত এতিয়ালৈ সৰ্বাধিক ৪২ গৰাকীকৈ লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল।
কোকৰাঝাৰৰ আজিৰ দিনটোৰ পজিটিভ ৰোগীকেইগৰাকী ক্ৰমে চাদ্দাম হুছেইন,তিলক লামা, নজৰুল ইছলাম আৰু চাইদুল আলি। জিলা প্ৰশাসনে অৱশ্যে আন দুগৰাকী পজিটিভ ৰোগীৰ তথ্য বৰ্তমানলৈকে সদৰি কৰা নাই ।
উল্লেখ্য যে বহি:ৰাজ্যৰ পৰা অসমত প্ৰৱেশ কৰা লোকসকলক প্ৰথমে শ্ৰীৰামপুৰত স্বাস্থ্য পৰীক্ষাৰ অন্তত ইয়াৰে একাংশক কোকৰাঝাৰৰ বিভিন্ন ঠাইত থকা কোৱাৰেণ্টাইন কেন্দ্ৰসমুহলৈ প্ৰেৰণ কৰা হয়।
এতিয়া আক্ৰান্ত চিনাক্ত হোৱাৰ পাছত তেওঁলোকক বৰপেটাৰ ফকৰুদ্দিন আলী আহমেদ চিকিৎসা মহাবিদ্যালয়লৈ প্ৰেৰণ কৰা হৈছে।