তিৱা স্বায়ত্ত শাসিত পৰিষদৰ নিৰ্বাচনৰ প্ৰচাৰ অভিযানৰ সামৰণি; বিজেপি, কংগ্ৰেছৰ ব্যাপক নিৰ্বাচনী প্ৰচাৰ

তিৱা স্বায়ত্ত শাসিত পৰিষদীয় নিৰ্বাচনৰ প্ৰচাৰ অভিযানৰ মঙলবাৰে বিয়লি চাৰি বজাৰ পৰা অন্ত পৰে।

৩৬ টা পৰিষদীয় সমষ্টিত অনুষ্ঠিত হ’বলগীয়া নিৰ্বাচনত মধ্য অসমৰ বিভিন্ন সমষ্টিত শাসক-বিৰোধীৰ বহুকেইজন ৰথী-মহাৰথীয়ে নিৰ্বাচনী প্ৰচাৰ অভিযান তীব্ৰতৰ কৰি তুলিছিল।

তিৱা স্বায়ত্ত শাসিত পৰিষদৰ ১৯ টা পৰিষদীয় সমষ্টিৰ সহস্ৰাধিক নেতা-কৰ্মীক লৈ জাগীৰোডত আজি বিশাল বাইক ৰেলীৰে প্ৰচাৰ অভিযানৰ সামৰণি পেলাই ৰাজ্যিক স্বাস্থ্য মন্ত্ৰী পীযুষ হাজৰিকাই।

১১ নং জোনবিল সমষ্টিত শিল্পী বিদ্যা সাগৰে সংগীতৰ জৰিয়তে প্ৰচাৰ চলায়।

উল্লেখ যোগ্য যে, অহা ১৭ তাৰিখে ১৮৭ টা ভোটগ্ৰহণ কেন্দ্রত ৰাতিপুৱা ৭:৩০ বজাৰ পৰা বিয়লি ৪:৩০ বজালৈ ভোট গ্ৰহণ অনুষ্ঠিত হ’ব।

ভোটগ্ৰহণৰ দিনটোত জিলা প্ৰশাসনে স্থানীয় বন্ধ ঘোষণা কৰিছে।

উল্লেখযোগ্য যে, বিটিচি নিৰ্বাচনত বিজেপিয়ে উল্লেখনীয় ফলাফল লাভ কৰাৰ পাছতে তিৱা স্বায়ত্ত শাসিত পৰিষদৰ নিৰ্বাচনতো বিজয় অৰ্জন কৰাৰ ক্ষেত্ৰত আত্মবিশ্বাসী হৈ আছে।