টুইটাৰত শব্দৰ সীমা বৃদ্ধি কৰা বিষয়ত সন্মতি এলন মাস্কৰ!
Expand character limit in Twitter বিভিন্ন অভিযোগ আৰু মোকৰ্দমাৰ পিছত এলন মাস্কে অৱশেষত টুইটাৰ ক্ৰয় কৰিলে। বৃহস্পতিবাৰে বিশ্বৰ শীৰ্ষ ধনী ব্যক্তিজনে ৪৪ বিলিয়ন ডলাৰত টুইটাৰ ক্ৰয় কৰে। ইয়াৰ পিছ তেওঁ মুখ্য কাৰ্যবাহী পৰাগ আগৰৱালাকে ধৰি টুইটাৰৰ শীৰ্ষ বিষয়াসকলক বৰ্খাস্ত কৰে।
এতিয়া টুইটাৰত মাস্কে কি নতুন আৰু পৰিৱৰ্তন আনিব তাক লৈয়ে চৰ্চা চলি আছে।
লগতে পঢ়ক: ইমৰান খানৰ লং মাৰ্চৰ গাড়ীৰ চকাত পিষ্ট হৈ মৃত্যু সাক্ষাৎকাৰ ল’বলৈ যোৱা মহিলা সাংবাদিকৰ
মাইক্ৰ’ব্লগিং প্লেটফৰ্ম টুইটাৰত এজন ব্যক্তিয়ে অলপতে টুইটাৰৰ শব্দৰ সীমা বৃদ্ধি কৰাৰ দাবীৰে এটা পোষ্ট পোষ্ট কৰিছে। তাতে এলন মাস্কে সন্মতি প্ৰকাশ কৰিছে।
সেয়ে ধাৰণা কৰা হৈছে যে টুইটাৰৰ নতুন গৰাকীয়ে এই ক্ষেত্ৰত ব্যৱস্থা ল’ব পাৰে।
Absolutely
— Elon Musk (@elonmusk) October 30, 2022
ইয়াৰ পূৰ্বে স্পেচএক্স আৰু টেছলাৰ মুখ্য কাৰ্যবাহী বিষয়া এলন মাস্কে নিজেই টুইটাৰত এটা সম্পাদনা বাটন (Edit button)ৰ দাবী জনাইছিল। পিছত টুইটাৰে সম্পাদনা বাটনটো প্ৰৱৰ্তন কৰাৰ কথা ঘোষণা কৰে।