অসম আৰক্ষীৰ নিত্য-নৈমিত্তিক এনকাউন্টাৰ; আৰক্ষী-চৰকাৰক ধমক বৰপেটা সত্ৰ ন্যায়াধীশ আদালতৰ

তদন্তৰ সময়ত বা অপৰাধী পলায়ন কৰা আৰু আৰক্ষীয়ে গুলী চালনা কৰাৰ ঘটনা নিত্য নৈমিত্তিক হৈ পৰিছে।

আৰক্ষীৰ কাৰ্যকলাপক স্বচ্ছ আৰু নিকা কৰাৰ প্ৰয়োজনীয়তা আহি পৰিছে বুলি অনুভৱ কৰিছে এখন বিশেষ আদালতে।
সেয়েহে আৰক্ষীৰ এনে কাৰ্যক নিয়ন্ত্ৰণ কৰিবলৈ উচ্চ ন্যায়ালয়ে নির্দেশ দিব লাগে বুলি অনুৰোধ জনাইছে বৰপেটা সত্ৰ ন্যায়াধীশ আদালতে।

অসম আৰক্ষী আৰু চৰকাৰক এই সন্দৰ্ভত এক প্ৰকাৰৰ ধমক দিছে বৰপেটা সত্ৰ ন্যায়াধীশ আদালতে।

গুজৰাটৰ দলিত বিধায়ক জিগনেশ মেৱানী সন্দৰ্ভত বৰপেটা সত্ৰ ন্যায়াধীশ আদালতে দিয়া এক ৰায়দানৰ শেষৰ ফালে এই কথা উল্লেখ কৰিছে।

আৰক্ষীক কৰ্তব্যৰ সময়ত শৰীৰত কেমেৰা লগাবলৈ নিৰ্দেশ দিব লাগে উচ্চ ন্যায়ালয়ে।

কোনো অভিযুক্ত বা অপৰাধী কোনো স্থানলৈ লৈ যোৱা সময়ত কঢ়িওৱা বাহনত CCTVৰ ব্যৱস্থা কৰিবলৈ নিৰ্দেশ দিব লাগে।
আৰক্ষী থানাটো CCTVৰ ব্যৱস্থা কৰিবলৈ নিৰ্দেশ দিব লাগে।

অন্যথা অসম পুলিচী ৰাজ্য হ’বলৈ গৈ আছে বুলি ৰায়দানটোত উল্লেখ আছে। পুলিছী ৰাজ্য সমাজৰ বাবে ভয়াবহ তথা ই গণতান্ত্ৰিক প্ৰমূল্যৰ পৰিপন্থী বুলি ৰায়দানত উল্লেখ।

অসম আৰক্ষীয়ে যদি অসমক পুলিচী ৰাজ্য কৰিব বিচাৰিছে তেন্তে এয়া বিকৃত চিন্তা।

বৰপেটা জিলা আৰু সত্ৰ ন্যায়াধীশ আদালতৰ এই ৰায়দানৰ এটি প্ৰতিলিপি উচ্চ ন্যায়ালয়ৰ পঞ্জীয়কৰ জৰিয়তে মূখ্য ন্যায়াধীশলৈ প্ৰেৰণ কৰিব।

আৰক্ষীৰ শেহতীয়া কাৰ্য ব্যৱস্থাৰ সংক্ৰান্তত নিজাববীয়াকৈ উচ্চ ন্যায়ালয়ে PIL গ্ৰহণৰ বাবেও অনুৰোধ জিলা আৰু সত্ৰ ন্যায়াধীশ আদালতৰ।

বৰপেটা জিলা আৰু সত্ৰ ন্যায়াধীশ অপৰেশ চক্ৰৱৰ্তীয়ে দিছে এই ৰায়দান।