বিনা কাৰণে একাউণ্ট বন্ধ কৰি দিছিল ফেচবুকে; গোচৰ তৰি ইউজাৰে লাভ কৰিলে ৪১ লাখ টকা!

এদিন দেওবাৰে পুৱা জেছন ক্ৰফৰ্ড নামৰ ব্যক্তিজনে সাৰ পাই  হঠাৎ দেখিলে যে তেওঁ আৰু ফেচবুক ব্যৱহাৰ কৰিব নোৱাৰে। তেওঁৰ একাউণ্টটো কিয় নিষিদ্ধ কৰা হ’ল তাৰ কোনো ব্যাখ্যা তেওঁ বিচাৰি নাপালে। ক্ষুব্ধ জেছনে মাৰ্ক জুকাৰবাৰ্গৰ কোম্পানীটোৰ বিৰুদ্ধে গোচৰ তৰিলে। অৱশেষত তেওঁ সফল হ’ল, লাভ কৰিলে বিপুল পৰিমাণৰ ধন।

জেছন আমেৰিকাৰ জৰ্জিয়াৰ বাসিন্দা। তেওঁৰ ভাষাত “এদিন দেওবাৰে পুৱা উঠি ফেচবুক আইকনটোত ক্লিক কৰি দেখিলো মোৰ একাউণ্টটো লক হৈ আছে। বুজিলো মোক নিষিদ্ধ কৰা হৈছে। কাৰণ হিচাপে লিখা হৈছিল, ফেচবুকত শিশুৰ যৌনতা সম্পৰ্কীয় নিয়ম ভংগ কৰিছো। গতিকে মোক নিষিদ্ধ কৰা হৈছে।”

লগতে পঢ়ক: অদ্ভুত ঘটনা! আৰ বি আইৰ পৰা অন্তর্ধান ৮৮০৩২ কোটি টকাৰ ৫০০ টকীয়া নোট

কিন্তু জেছনে দাবী কৰে যে তেওঁ কেতিয়াও নিয়ম উলংঘা কৰা কোনো পোষ্ট কৰা নাছিল। তদুপৰি, জুকাৰবাৰ্গৰ কোম্পানীয়ে ফেচবুকে আপত্তি কৰা সঠিক পোষ্টটোৰ বিষয়ে কোনো বিতং তথ্য প্ৰদান কৰা নাছিল।

জেছনেও মেটাক উত্তৰ বিচাৰি কেইবাবাৰো মেছেজ কৰে। কিন্তু কোনো উত্তৰ নাপালে। facebook support system ৰ পৰাও কোনো সহায় নাই। ইয়াৰ পিছত জেচনে ফেচবুকৰ বিৰুদ্ধে আদালতৰ কাষ চাপিল। ২০২২ চনৰ আগষ্ট মাহত এই গোচৰ ৰুজু কৰিছিল। তাতো জেছনৰ প্ৰশ্নৰ উত্তৰ দিব নোৱাৰিলে ফেচবুকে। ফলত আদালতে মেটাক ৫০ হাজাৰ ডলাৰ দিবলৈ নিৰ্দেশ দিয়ে, যিটো ভাৰতীয় মুদ্ৰাত প্ৰায় ৪১ লাখ ১১ হাজাৰ ২৫০ টকা।

লগতে পঢ়ক: অদ্ভুত ঘটনা! আৰ বি আইৰ পৰা অন্তর্ধান ৮৮০৩২ কোটি টকাৰ ৫০০ টকীয়া নোট

আদালতৰ এই নিৰ্দেশনাৰ পিছত ফেচবুকৰ গা লৰে। নিজৰ একাউণ্টটো ঘূৰাই পায় জেছনে। কিন্তু ফেচবুকৰ এই গোচৰটো জেছনৰ বাবে এতিয়াও শেষ হোৱা নাই। কাৰণ ফেচবুকে এতিয়াও ন্যায়াধীশৰ নিৰ্দেশ অনুসৰি জেছনক প্ৰাপ্য ধন আদায় দিয়া নাই। অৱশ্যে জেছনৰ মতে ফেচবুকে আদালতৰ নিৰ্দেশ মানিবই লাগিব।