‘কৃষকৰ প্ৰতিবাদ কৰাৰ অধিকাৰ আছে, কিন্তু প্ৰতিবাদৰ নামত ঘাইপথ বন্ধ কৰিব নোৱাৰে’: উচ্চতম ন্যায়ালয়
প্ৰাপ্য আদায়ৰ দাবীত প্ৰতিবাদ কৰাৰ সম্পূৰ্ণ অধিকাৰ কৃষকসকলৰ আছে। কিন্তু প্ৰতিবাদ সাৱস্ত্য কৰাৰ নামত ৰাজপথ বন্ধ কৰি দিব নোৱাৰে।
শেহতীয়াকৈ দিল্লীত চলি থকা কৃষক বিদ্ৰোহ সন্দৰ্ভত এনেদৰে মন্তব্য কৰে উচ্চতম ন্যায়ালয়ে।
উচ্চতম ন্যায়ালয়ৰ মুখ্য ন্যায়াধীশ এছ এ ববড়েই আজি কৃষক বিদ্ৰোহ সম্পৰ্কীয় এক গোচৰৰ শুনানি গ্ৰহণ কৰি এইদৰে কয়।
তেওঁ লগতে কয় যে পথ বন্ধ কৰি দিয়াটো প্ৰতিবাদৰ কোনো পন্থা হব নোৱাৰে।
কৃষকৰ সমস্যা সমাধানৰ বাবে মুখ্য ন্যায়াধীশ গৰাকীয়ে এখন সমিতি গঠন কৰি দিয়াৰ পোষকতা কৰে।
সেই সমিতি খনত কৃষিৰ বিষয়ে জ্ঞান থকা লোকক অন্তৰ্ভূক্ত কৰাৰ বাবেও তেওঁ পৰামৰ্শ দিয়ে।
ইপিনে কেন্দ্ৰীয় চৰকাৰে আজি পুনৰ বাৰ এই কথা স্পষ্ট কৰি দিছে যে কোনো কাৰণতে চৰকাৰে কৃষি আইন তিনিখন বিলোপ কৰিব নোৱাৰে।
এই সন্দৰ্ভত কৃষকসকলৰ সৈতে আলোচনা কৰি যাবলৈ চৰকাৰ সাজু থকাৰ কথা এগৰাকী চৰকাৰী মুখপাত্ৰই স্পষ্ট কৰি দিয়ে।
দিল্লীৰ প্ৰচণ্ড শীতকো নেওঁচি হাজাৰ হাজাৰ কৃষকে আজিও প্ৰতিবাদ অব্যাহত ৰাখিছে।
শীতৰ ফলতে এতিয়ালৈকে ২০ জনতকৈয়ো অধিক প্ৰতিবাদী কৃষকৰ মৃত্যু ঘটাৰ খবৰ আহিছে।