বহু দিনৰ বিৰতিৰ মূৰত সোমবাৰৰ পৰা ৰাজ্যৰ এইসকল কৰ্মচাৰী আহিব লাগিব কাৰ্য্যালয়লৈ

ৰাজ্য চৰকাৰে জাৰি কৰিছে এক নতুন নিৰ্দেশনা।
নিৰ্দেশনা অনুসৰি কিছুসংখ্যক চৰকাৰী কৰ্মচাৰী কাইলৈৰ পৰা নিয়মীয়াকৈ উপস্থিত থাকিব লাগিব কাৰ্যালয়ত।

এই নিৰ্দেশনা জাৰি কৰিছে অসম চৰকাৰৰ সাধাৰণ প্ৰশাসনীয় বিভাগৰ আয়ুক্ত সচিবে।
দেওবাৰে জাৰি কৰা নিৰ্দেশনাটোত কোৱা হৈছে যে সোমবাৰৰ পৰা দুয়োপালি কোভিড ভেকচিন গ্ৰহণ কৰা চৰকাৰী কৰ্মচাৰীয়ে নিয়মীয়াকৈ কাৰ্যালয়ত উপস্থিত থাকিব লাগিব।

অসম চৰকাৰৰ সাধাৰণ প্ৰশাসনীয় বিভাগৰ আয়ুক্ত সচিব এম এছ মনিয়ান্ননে জাৰি কৰা নিৰ্দেশনাটোত কোৱা হৈছে যে চৰকাৰী কাৰ্যালয়সমূহ সুচাৰুৰূপে কাৰ্যক্ষম কৰি তুলিবলৈ অহা ১৪ জুলাইৰ পৰা দুয়োপালি কোভিড ভেকচিন লোৱা চৰকাৰী কৰ্মচাৰীয়ে কোভিড বিধি মানি কাৰ্যালয়ত নিয়মীয়াকৈ উপস্থিত থাকিব লাগিব।

উল্লেখ্য যে ৰাজ্যত বৃদ্ধি পোৱা কোভিড সংক্ৰমণৰ প্ৰতি লক্ষ্য ৰাখি চৰকাৰে জৰুৰী সেৱাসমূহক বাদ অন্য সকলো চৰকাৰীৰ লগতে ব্যক্তিগতখণ্ডৰ কাৰ্যালয়সমূহত বন্ধ ৰাখিছিল।

ৰাজ্যত কোভিড সংক্ৰমণ কিছু হ্ৰাস পোৱাত চৰকাৰে এই নতুন নিৰ্দেশনা জাৰি কৰি অহা সোমবাৰৰ পৰা চৰকাৰী কাৰ্যালয়মূহ পুনৰ আৰম্ভ কৰিব। ইয়াক এক প্ৰকাৰৰ আনলক প্ৰক্ৰিয়াৰ আৰম্ভণি বুলিয়েই ক’ব পাৰি।

ইপিনে, অহা ১৬ জুনৰ পৰা সান্ধ্য আইনৰ ক্ষেত্ৰতো কিছু শিথিলতা অহাৰ পূৰ্ণ সম্ভাৱনা আছে।