ধন আত্মসাতৰ গোচৰত দোষী সাব্যস্ত বাংলাদেশৰ প্ৰথমগৰাকী হিন্দু মুখ্য ন্যায়াধীশ
ঢাকাৰ এখন আদালতে বাংলাদেশৰ প্ৰথমগৰাকী হিন্দু মুখ্য ন্যায়াধীশ সুৰেন্দ্ৰ কুমাৰ সিনহাসহ দহগৰাকীক এটা বেংকৰ পৰা ৪০ মিলিয়ন টাকা আত্মসাতৰ অভিযোগত বৃহস্পতিবাৰে দোষী সাব্যস্ত কৰিছে।
৬৯ বছৰীয়া প্ৰাক্তন মুখ্য ন্যায়াধীশ সিনহা আৰু বাকী দহগৰাকীৰ বিৰুদ্ধে ঢাকাৰ আন এক আদালতে গ্ৰেপ্তাৰী পৰোৱানা জাৰি কৰাৰ সাত মাহ পিছত আদালতখনে এই ৰায়দান কৰিছে।
আমেৰিকাত বাস কৰা সিনহাক তেওঁৰ বিৰুদ্ধে অভিযোগনামা দাখিল কৰা দুৰ্নীতিবিৰোধী আয়োগে “পলাতক” বুলি অভিহিত কৰিছে।
বাতৰি মতে, গোচৰটোত অভিযুক্ত ছগৰাকী বেংকটোৰ প্ৰাক্তন বিষয়া আৰু বাকী কেইগৰাকী সিনহাৰ সহযোগী।
অধিবক্তাই সদৰী কৰা মতে অভিযুক্তসকলৰ মাত্ৰ তিনিগৰাকীহে ব্যক্তিগতভাৱে ট্ৰায়েলৰ মুখামুখি হৈছিল আৰু বাকীসকলে “ন্যায়ৰ পৰা হাত সাৰিবলৈ পলায়ন” কৰিছিল।
এ চি চিয়ে কয় যে ২০১৬ চনত দুগৰাকী ব্যৱসায়ীয়ে জাল নথিৰে ৪০ মিলিয়ন টাকা লেনদেন কৰাৰ জালিয়াতিৰ ই প্ৰমাণ পাইছে।
সেই ধনখিনি ন্যায়াধীশ সিনহাৰ একাউণ্টত জমা হৈছিল।