চামগুৰি পক্ষী তীৰ্থ বিলত মথাউৰি ছিঙি লক্ষাধিক টকাৰ মাছৰ লোকচান মহলদাৰৰ
কেইবাদিন ধৰি নেৰনেপেৰা বৰষুণৰ ফলত নগাঁও জিলাৰ চামগুৰি বিধানসভা সমষ্টিৰ অধীনৰ পক্ষী তীৰ্থ চামগুৰি বিলৰ জলপৃষ্ঠ বৃদ্ধি হোৱাত বিলখনৰ দক্ষিণ দিশৰ মথাউৰি বান্ধ ছিঙি যায়।
মথাউৰি বান্ধ ছিঙি যোৱাৰ ফলত লক্ষাধিক টকাৰ মাছ পক্ষীতীৰ্থ বিলৰ পৰা কলং সুঁতিলৈ ওলাই যায়।
জানিব পৰা মতে, কলং সুঁতি ফেনে ফোটোকাৰে বাঢ়ি অহাৰ সমান্তৰালভাৱে নেৰানেপেৰা বৰষুণৰ ফলত বিলখনৰ জলপৃষ্ঠ বৃদ্ধি হোৱাৰ লগতে মথাউৰি বান্ধ ছিঙি যায়।
বিলত প্ৰতি বছৰে বাঢ়নী পানী সোমাই মহলদাৰক আৰ্থিক ভাৱে জুৰুলা কৰাৰ লগতে কাষৰ খেতি ভূমিৰ বিস্তৰ ক্ষতিসাধন কৰি আহিছে ।
চলিত বৰ্ষতো বিলখনৰ দক্ষিণ দিশৰ মথাউৰি বান্ধ ছিঙি যোৱাত কলঙৰ পানীলৈ লক্ষাধিক টকাৰ মাছ ওলাই যোৱা বুলি বিলখনৰ মহলদাৰ পৰেশ বৰ্মন আৰু ভূমিধৰ দাসে আশংকা প্ৰকাশ কৰিছে ।
উল্লেখযোগ্য যে, বিলখনত কোনো চুইচ গেট নথকাৰ বাবে বিলখনৰ জলপৃষ্ঠ বৃদ্ধি হোৱাৰ বাবে প্ৰতি বছৰে বিলৰ মথাউৰি ভাঙি যোৱাৰ বাবে লক্ষাধিক টকাৰ মাছ ওলাই যোৱা বুলি সচেতন মহলে ধাৰণা কৰিছে ।সেইবাবে বিলখনৰ মহলদাৰে সংশ্লিষ্ট কতৃপক্ষক বিলখনত এটি চুইচ গেট স্থাপন কৰি বিলখনৰ এই সমস্যাৰ স্থায়ী সমাধান কৰিবলৈ দাবী জনাইছে ।
You may also like
গুৱাহাটীত এদিনতে ১৪টাকৈ কণ্টেইনমেণ্ট জ’ন ঘোষণা
নতুন ক’ভিড-১৯ আক্ৰান্ত চিনাক্ত হোৱাৰ ফলত গুৱাহাটীত শুকুৰবাৰে এটা দিনতেই ১৪টাকৈ এলেকাক কণ্টেইনমেণ্ট জ’নৰূপে ঘোষণা কৰা হৈছে। ইয়াকে লৈ গুৱাহাটীত কণ্টেইনমেণ্ট জ‘নৰ…
পাকিস্তানত ভয়ানক ৰে’ল দুৰ্ঘটনা: মৃত্যুৰ সংখ্যা ২০ লৈ বৃদ্ধি
দেওবাৰে পাকিস্তানৰ কৰাচীৰ পৰা ২৭৫ কিলোমিটাৰ দূৰত্বত থকা চাহাৰা ৰে’লৱে ষ্টেচনৰ সমীপত হাজাৰা এক্সপ্ৰেছৰ প্ৰায় ১০টা বগী ৰেলপথৰ পৰা ওলাই যোৱাৰ ফলত…
কেন্দ্ৰৰ কৃষি বিধেয়কৰ বিৰোধিতা: মন্ত্ৰীসভাৰ পাছত এইবাৰ NDAএৰিলে শিৰোমণি আকালি দলে
কেন্দ্ৰৰ বিতৰ্কিত কৃষি বিধেয়কৰ বিৰোধিতাৰে মন্ত্ৰীসভা ত্যাগ কৰাৰ পাছত এইবাৰ NDAএৰিলে শিৰোমণি আকালি দলে। আকালি দলৰ নেতা সুখবীৰ সিং বাদলে শনিবাৰে এই…
একেলেথাৰিয়ে কেইবাটাও শক্তিশালী ভূমিকম্পই জোকাৰি গ’ল ৰাজ্যক, গুৱাহাটীত আতংকিত হৈ এজনৰ মৃত্যু, চাওঁক ক্ষয়-ক্ষতিৰ আলোকচিত্ৰ
অসমৰ বিভিন্ন স্থানক আজি পুৱা এক শক্তিশালী ভূমিকম্পই জোকাৰি যায়। আজি পুৱা ৭.৫১ মিনিট ২৫ ছেকেণ্ডত অনুভূত হয় এই ভূমিকম্পৰ জোকাৰণি। একেলেথাৰিয়ে…