অভয়াপুৰী আৰু আই বন সংমণ্ডলৰ বন বিভাগে জব্দ কৰিলে একাধিক অবৈধ কাঠ ফলা মিল
যিটো সময়ত বিশ্বই উশাহ নিশাহ লোৱাত যন্ত্ৰণাত ভুগিছে তেনে সময়ত একাংশ লোকে চলোৱা অবাধ বনধ্বংসই আৰু অধিক যন্ত্ৰণাকাতৰ কৰিছে বিশ্বক।
বিভিন্ন সময়ত বিভিন্ন প্ৰচাৰ মাধ্যমত বন ধ্বংসৰ খবৰ পাই আহিছে ৰাইজে।
বহু পৰিৱেশ প্ৰেমীয়ে আঙুলি তুলিবলৈ বাধ্য হৈছিল বন বিভাগৰ বিৰুদ্ধে। আগৰে পৰাই সষ্টম বঙাইগাঁও জিলাৰ অভয়াপুৰী আৰু আই বন সংমণ্ডলৰ বিষয় ববীয়া সকল।
যাৰ বাবে আজি পুৱতি নিশা বঙাইগাঁও জিলা আই বনসংমণ্ডৰ অতিৰিক্ত বনবিষয়া শশীমোহন সিংহৰ নেতৃত্বত পুৱতি নিশা বনবিভাগে অভিযান চলাই নোৱাগাওঁ আৰু চাকলাৰ পৰা দুটা অবৈধ কাঠ মিল জব্দ কৰে ।
অভিযানস্থলীত দুটা ডিআই গাড়ী, কাঠ সৰবৰাহ কৰা আন এটা নম্বৰ প্লেটবিহীন তিনিচকীয়া গাড়ীৰ লগতে প্ৰায় তিনি লক্ষাধিক টকাৰ অবৈধ কাঠ জব্দ কৰে ।
পুৱতি নিশা বনবিভাগে অভিযান চলাই অবৈধ কাঠ মিল চলাই থকা অৱস্থাত মিল, কাঠ, গাড়ী আদি জব্দ কৰে যদিও কাকো কৰায়ত্ব কৰিবলৈ সক্ষম হোৱা নাই ।
জানিব পৰা মতে অবৈধ কাঠ মিলসহ কাঠখিনি মানিকপুৰ বনবিভাগৰ কাৰ্য্যালয়ত ৰাখিছে ।মাত্ৰ কেইদিনমান পূৰ্বে নোৱাগাওঁৰ পৰা আন এটা কাঠমিল জব্দ কৰিছিল অতিৰিক্ত বন বিষয়া, শশীমোহন সিংহৰ নেতৃত্বত ।
বন বিভাগৰ এনে অভিযানৰ বাবে প্ৰশংসা কৰিছে প্ৰকৃতিপ্ৰেমী সকলে।