চামগুৰিত চোৰাং মুল্যৱান কাঠসহ টাটা ডি আই গাড়ী জব্দ

নগাঁও জিলাৰ শালনা ৰেঞ্জৰ এটি বনকৰ্মী দলে বৃহস্পতিবাৰে চোৰাং কাঠৰ বিৰুদ্ধে অভিযান চলাই এখন চোৰাং কাঠ ভৰ্ত্তি গাড়ীসহ মাকৈ শালৰ ফান্টা জব্দ কৰে।

শালনা বনাঞ্চলিক কাৰ্যালয়ৰ এটি বনকৰ্মী দলে এক গোপন সূত্ৰৰ ভিত্তিক চোৰাং কাঠৰ বিৰুদ্ধে চামগুৰি সমষ্টিৰ ভেলেউগুৰি আৰু গেৰুৱামুখ সংযোগী পথত অভিযান চলাই এ এছ ০২ বি চি ৩৪০৪ নম্বৰৰ টাটা ডি আই গাড়ীসহ মুল্যবান চোৰাং কাঠৰ ফান্টা জব্দ কৰিবলৈ সক্ষম হয় ৷

চোৰাং মাকৈ শালখিনিৰ বজাৰৰ মুল্য অৰ্ধ লক্ষাধিক টকা হ’ব বুলি বন বিভাগৰ এক সূত্ৰে প্ৰকাশ কৰিছে।

শেহতীয়াকৈ বনজ সম্পদৰ ওপৰত লুণ্ঠন চলোৱা এক চক্ৰই মূল্যৱান চোৰাং কাঠৰ অবৈধ ব্যৱসায় চলাই মুনাফা লুটাৰ সমান্তৰালকৈ বনধ্বংসটো অৰিহনা যোগাইছে।

এইক্ষেত্ৰত ৰাজ্যৰ বন বিভাগ অধিক কঠোৰ হোৱাৰ প্ৰয়োজন বুলি সচেতন মহলে দাবী কৰে।