প্ৰাক্তন ডিজিপি ভাস্কৰজ্যোতি মহন্তৰ পিতৃ লীলাকান্ত মহন্তৰ মৃত্যু
সোমবাৰে পুৱতি নিশা অসমৰ প্ৰাক্তন আৰক্ষী সঞ্চালক প্ৰধান ভাস্কৰজ্যোতি মহন্তৰ পিতৃ, বৈষ্ণৱ পণ্ডিত লীলাকান্ত মহন্তই শেষ নিশ্বাস ত্যাগ কৰে। সোমবাৰে পুৱতি নিশা ২.১৫ বজাত ৯২ বছৰ বয়সত শিৱসাগৰৰ কোঁৱৰপুৰস্থিত নিজা বাসগৃহত শেষ নিশ্বাস ত্যাগ কৰে বৈষ্ণৱ পণ্ডিতগৰাকীয়ে।
প্ৰয়াত লীলাকান্ত মহন্ত শ্ৰী শ্ৰী বৰখাতপাৰ সত্ৰৰ প্ৰাক্তন সত্ৰাধিকাৰ। বয়সৰ লগত জড়িত অসুস্থতাৰ বাবে বিগত কিছুদিন ধৰি তেওঁ গুৰুতৰভাৱে অসুস্থ হৈ আছিল।
উল্লেখ্য যে জীৱনকালত লীলাকান্ত মহন্তই দুটা কাৰ্যকাল অসম সত্ৰ মহাসভাৰ সভাপতি হিচাপে কাৰ্যনিৰ্বাহ কৰিছিল।
পণ্ডিতগৰাকীৰ মৃত্যুত মুখ্যমন্ত্ৰী হিমন্ত বিশ্ব শৰ্মাই টুইটযোগে শোক প্ৰকাশ কৰি কয় যে প্ৰাক্তন সত্ৰাধিকাৰগৰাকীৰ মৃত্যু অসমৰ সাংস্কৃতিক সমাজৰ বাবে বৃহৎ ক্ষতি।
শিৱসাগৰৰ শ্ৰীশ্ৰী বৰখাতপাৰ সত্ৰৰ পৰম পূজনীয় সত্ৰাধিকাৰ লীলাকান্ত মহন্ত প্ৰভুৰ প্ৰয়াণৰ বাতৰিয়ে ব্যথিত কৰিলে৷ বিশিষ্ট বৈষ্ণৱ পণ্ডিত মহন্ত ডাঙৰীয়াৰ প্ৰয়াণ অসমৰ সমাজ জীৱনৰ বাবে বৃহৎ ক্ষতি৷ তেখেতৰ অতনু আত্মাৰ চিৰশান্তিৰ অৰ্থে ঈশ্বৰৰ চৰণত প্ৰাৰ্থনা জনাই পৰিয়াললৈ সমবেদনা জনালোঁ৷ pic.twitter.com/dd3kTscibn
— Himanta Biswa Sarma (@himantabiswa) February 27, 2023