সৌৰভ গাংগুলী আই চি চিৰ অধ্যক্ষ হোৱাটো বিচাৰে দক্ষিণ আফ্ৰিকাৰ প্ৰাক্তন অধিনায়ক গ্ৰেম স্মিথে

দক্ষিণ আফ্ৰিকাৰ অন্যতম সফল অধিনায়ক গ্ৰেম স্মিথে ভাৰতীয় দলৰ প্ৰাক্তন অধিনায়ক তথা বৰ্তমান ভাৰতীয় ক্ৰিকেট নিয়ন্ত্ৰণ বোৰ্ডৰ অধ্যক্ষ সৌৰভ গাংগুলীক আই চি চিৰ অধ্যক্ষ হোৱাটো বিচাৰিছে।

‘‘সৌৰভ গাংগুলীৰ দৰে এগৰাকী ক্ৰিকেটাৰ আই চি চিৰ অধ্যক্ষ পদত অধিস্থিত হোৱাটো ক্ৰিকেট জগতৰ বাবে অত্যন্ত ভাল কথা হ’ব,’’ প্ৰাক্তন দক্ষিণ আফ্ৰিকাৰ অধিনায়ক গৰাকীয়ে লিখে।

‘‘সৌৰভ আই চি চিৰ অধ্যক্ষ হোৱাটো আধুনিক ক্ৰিকেটৰ বাবে মংগলজনক কাৰণে তেওঁ সৰ্বোচ্ছ স্তৰত আধুনিক ক্ৰিকেট খেলিছে। তেওঁ ভালদৰে ক্ৰিকেট বুজে। সৌৰভ সন্মানীয় আৰু তেওঁৰ নেতৃত্ব অন্যতম চাবিকাঠি,’’ সৌৰভ গাংগুলীক উচ্চ প্ৰশংসা কৰি স্মিথে কয়।

উল্লেখযোগ্য যে, বিগত বৰ্ষত বি চি চি আইৰ অধ্যক্ষ হিচাপে নিৰ্বাচিত হোৱা সৌৰভ গাংগুলীৰ কাৰ্য্যকাল যদিহে উচ্চতম ন্যায়ালয়ে বৃদ্ধি নকৰে চলিত বৰ্ষৰ জুলাইত সামৰণি পৰিব।

উচ্চতম ন্যায়ালয়ে সৌৰভ গাংগুলীৰ বি চি চি আইৰ অধ্যক্ষ হিচাপে কাৰ্য্যকাল বৃদ্ধি নকৰিলে সৌৰভ গাংগুলী আই চি চিৰ  অধ্যক্ষৰ পদত প্ৰতিদ্বন্দ্বিতা কৰিব পাৰিব।