শিৱসাগৰত সদৌ অসম গাওঁৰক্ষী সংগঠনৰ ৭২ সংখ্যক প্ৰতিষ্ঠা দিৱস উদযাপন
শিৱসাগৰত সদৌ অসম গাওঁৰক্ষী সংগঠনৰ ৭২ সংখ্যক প্ৰতিষ্ঠা দিৱস উদযাপন কৰা হয়।
ঐতিহাসিক তলাতল ঘৰৰ বাকৰিত ২৮ আৰু ২৯ জানুৱাৰীত গাওঁৰক্ষী বাহিনীৰ দুদিনীয়া কাৰ্যসূচীৰে অনুষ্ঠিত হোৱা অনুষ্ঠানত নিমন্ত্ৰিত অতিথি হিচাপে উপস্থিত থাকে মুখ্যমন্ত্ৰী সৰ্বানন্দ সোণোৱাল ।
অনুষ্ঠানত অসমৰ বিভিন্ন জিলাৰ পৰা অহা ভালে সংখ্যক গাঁওৰক্ষী বাহিনীৰ ৩৪ জন প্ৰতিনিধিক বঁটা প্রদান কৰে ।
লগতে ২৬ টা চক্র সংগঠক বঁটা প্ৰদান কৰে।
২৮ জানুৱাৰীৰ পৰা অসমৰ বিভিন্ন প্ৰান্তৰ পৰা অহা প্ৰতিনিধি সকলে এক প্ৰতিনিধি সভাত অংশ ললে।
কালিৰে পৰা আৰম্ভ হোৱা প্ৰতিষ্ঠা দিৱসৰ লগত সংগতি ৰাখি বাহিৰ কৰা হয় এক বৰ্ণিল সাংস্কৃতিক শোভাযাত্ৰা ।
তাৰ পিছতেই অনুষ্ঠিত হোৱা মুকলি সভাত মুখ্যমন্ত্ৰীৰ লগতে আন আন বিশিষ্ট ব্যক্তি সকলে অংশ গ্ৰহণ কৰে।
প্ৰতিষ্ঠা দিৱসৰ প্ৰতি লক্ষ্য ৰাখি শিৱসাগৰৰ ঐতিহাসিক কীৰ্তিচিহ্ন ৰংঘৰ আৰু তলাতল ঘৰক এক সীমিত পুঁজিৰে আলোকসজ্বাৰে সজাই তুলিলে আৰক্ষী প্ৰশাসনে।
শিৱসাগৰৰ কীৰ্তিচিহ্ন সমূহৰ প্ৰতি ৰাইজৰ দৃষ্টি আকৰ্ষণৰ বাবে এনে ব্যৱস্থা কৰা হৈছে বুলি আৰক্ষী প্ৰশাসনে জানিব দিছে।
অনুষ্ঠানত মুখ্যমন্ত্ৰী লগতে ৰাজহ আৰু দুৰ্যোগ ব্যৱস্থাপনা (স্বতন্ত্ৰ) মন্ত্ৰী যোগেন মহন, আৰক্ষী সঞ্চালক প্ৰধান ভাস্কৰ জ্যোতি মহন্ত, থাওৰা সমষ্টিৰ বিধায়ক কুশল দুৱাৰী, আমগুৰি সমষ্টি বিধায়ক প্ৰদীপ হাজৰিকা, শিৱসাগৰ জিলা উপায়ুক্ত বিষ্ণু কমল বৰা,সোণাৰী সমষ্টিৰ বিধায়িকা নৱনীতা সন্দিকৈ, ৰাজ্যসভাৰ সাংসদ তপন গগৈ লগতে আৰক্ষী বিভিন্ন উচ্চ পদস্থ বিষয়া উপস্থিত থাকে।