আজীৱন সমাজসেৱী, নিস্বাৰ্থ সেৱাৰ প্ৰতিভূ, গান্ধীবাদী, পদ্মশ্ৰী শকুন্তলা চৌধাৰীৰ পৰলোকপ্ৰাপ্তি
প্ৰবীণ গান্ধীবাদী, অক্লান্ত সমাজসেৱিকা পদ্মশ্ৰী শকুন্তলা চৌধাৰীৰ দেওবাৰে নিশা প্ৰায় ১১-১০বজাত মহানগৰীৰ উলুৱাৰীস্থিত কস্তুৰৱা আশ্ৰমত পৰলোকপ্ৰাপ্তি ঘটে। মৃত্যুৰ সময়ত তেওঁৰ বয়স হৈছিল ১০২বছৰ।
১৯৪৭চনৰ পৰা সমাজৰ বাবে সেৱা আগবঢ়াবলৈ ওলাই অহা শকুন্তলা চৌধাৰীয়ে সকলো ত্যাগ কৰি আশ্ৰমতেই জীৱন যাপন কৰিবলৈ লয়। নিস্বাৰ্থ সেৱাৰ প্ৰতিভূ এইগৰাকী মহীয়সী নাৰীয়ে অক্লান্তভাৱে সমাজৰ বাবে কাম কৰি গৈছিল।
লগতে পঢ়ক:নতুন আতংক ‘লাছা ফীভ্যাৰ’ ৰোগটোনো কি? ইয়াৰ পৰা কেনেকৈ হাত সাৰিব পাৰি?
সমাজত গান্ধীৰ আদৰ্শ প্ৰতিষ্ঠাৰ বাবে জীৱন উৎসৰ্গ কৰা সমাজ সেৱিকা চৌধাৰীৰ মৃত্যুত আশ্ৰমৰ বাসিন্দাসকলৰ লগতে ৰাজ্যৰ অজস্ৰ গুণমুগ্ধই শোকাহত হৈ পৰিছে।
গান্ধীবাদী আদৰ্শৰ প্ৰচাৰৰ ক্ষেত্ৰত কৰা জীৱনজোৰা প্ৰয়াসৰ বাবে শকুন্তলা চৌধুৰী চিৰস্মৰণীয় হৈ ৰ'ব। শৰণীয়া আশ্ৰমত তেওঁৰ মহান কামে বহু লোকৰ জীৱনত যোগাত্মক প্ৰভাৱ পেলাইছিল। তেওঁৰ মৃত্যুৰ বাতৰিয়ে দুঃখিত কৰিছে। তেওঁৰ পৰিয়াল আৰু শুভাকাংক্ষীসকললৈ সমবেদনা জনাইছো। ঔম শান্তি।
— Narendra Modi (@narendramodi) February 21, 2022
সোমবাৰে নৱগ্ৰহ শ্মশানত ৰাজ্যিক মৰ্যাদাৰে শকুন্তলা চৌধাৰীৰ শেষকৃত্য সম্পন্ন কৰা হ’ব।
আজীৱন সমাজসেৱী শকুন্তলা চৌধাৰীক সমাজলৈ আগবঢ়োৱা তেওঁৰ অনবদ্য অৱদানৰ স্বীকৃতি স্বৰূপে চলিত বৰ্ষৰ জানুৱাৰীত পদ্মশ্ৰী সন্মানেৰে সন্মানিত কৰা হৈছিল।
তেওঁৰ মৃত্যুত দেশৰ প্ৰধানমন্ত্ৰী নৰেন্দ্ৰ মোদীকে ধৰি বিভিন্নজনে শোক প্ৰকাশ কৰিছে।