বিশ্বত কৰ’নাৰ আতংক লাহে লাহে হ্ৰাস পোৱা যেন দেখা গৈছে যদিও আন এক ৰোগ ‘লাছা ফীভ্যাৰ’ (Lassa fever) য়ে নতুনকৈ আতংকৰ সৃষ্টি কৰা দেখা গৈছে। দৰাচলতে এই লাছা ফীভ্যাৰনো কি আৰু এই ৰোগ কিমান মাৰাত্মক সেই বিষয়ে বিভিন্ন চৰ্চা অব্যাহত আছে।
১৯৬৯চনত নাইজেৰিয়াত প্ৰথম দেখা দিয়া লাছা ফীভ্যাৰ নিয়ন্ত্ৰণ হোৱাৰ ১৩ বছৰ পিছত পুনৰ ইংলেণ্ডলৈ ঘুৰি আহিছে। দেশখনত তিনিজন এই ৰোগৰ দ্বাৰা সংক্ৰমিত হৈছে আৰু ইয়াৰে এজনৰ মৃত্যু হৈছে।
লাছা ফীভ্যাৰৰ সংক্ৰমণ বৃদ্ধি পোৱাৰ লগে লগে বহুতৰে মাজত আশংকাই দেখা দিছে। কৰ’না পৰিস্থিতি সম্পূৰ্ণ নিয়ন্ত্ৰণ হৈ উঠাৰ পূৰ্বেই আন এক ৰোগৰ আতংকই স্বাভাৱিকতে উদ্বিগ্নতা বৃদ্ধি কৰিছে।
লগতে পঢ়ক: দেৰগাঁৱত ভয়ংকৰ পথ দুৰ্ঘটনাত নিহত এজন যুৱক
এসময়ত এই ৰোগৰ সংক্ৰমণ মূলত এন্দুৰৰ পৰাই ঘটিছিল। কিন্তু লাছা ফীভ্যাৰক লৈ আতংকিত হোৱাৰ কাৰণ আছেনে? তদুপৰি, ভাৰতত ইয়াৰ সংক্ৰমণ ঘটাৰ আশংকা আছেনে?
বৰ্তমানলৈকে আফ্ৰিকাৰ বহুকেইখন দেশত এই ৰোগ বিয়পি পৰিছে। আফ্ৰিকাৰ বিভিন্ন দেশৰ পৰা ঘুৰি অহা দুই এজন লোকৰ মাজত সংক্ৰমণ ঘটাৰ ফলত ভাৰতলৈও এই ৰোগ অহাৰ অনুমান কৰা হৈছে।
পিচে, ভাৰতত এই ৰোগ বিয়পি পৰাৰ বা বৃদ্ধি পোৱাৰ দৰে কোনো তথ্য এতিয়াও পোৱা হোৱা নাই।
চিকিৎসকৰ মতে লাছা ফীভ্যাৰৰ লক্ষণৰ ভিতৰত আক্ৰান্ত ব্যক্তিৰ সাধাৰণ জ্বৰ, ক্লান্তি, মূৰৰ বিষৰ দৰে লক্ষণ দেখা দিব পাৰে যদিও সেয়া মাৰাত্মক হৈ উঠাৰ সম্ভাৱনা নাই।
তদুপৰি, কিছুমান লোকৰ পেটৰ অসুখ, বমি, শ্বাস-প্ৰশ্বাসৰ দৰে সমস্যাও হ’ব পাৰে। খুব কম ক্ষেত্ৰত কেতিয়াবা ৰক্তক্ষৰণ ঘটিব পাৰে আৰু তেনেক্ষেত্ৰত মৃত্যুৰ আশংকাই দেখা দিয়ে।
লগতে পঢ়ক: দুধনৈত চাঞ্চল্যকৰ হত্যাকাণ্ড: ৰাজপথতে মহিলাক ডিঙি কাটি হত্যা
চিকিৎসকে জানিব দিয়া মতে এই ৰোগতো অক্সিজেন ছাপোৰ্টৰ পৰা আৰম্ভ কৰি বিভিন্ন দৰৱৰ প্ৰয়োগ প্ৰয়োজন হয়। অৱশ্যে বহুতেই দৰৱ ব্যৱহাৰ নকৰাকৈও সুস্থ হৈ উঠে।
লাছা ফীভ্যাৰৰ পৰা হাত সাৰি থাকিবলৈ এন্দুৰে মুখ দিব নোৱাৰাকৈ খাদ্যবস্তু দূৰত ৰখা প্ৰয়োজন। লাছা ফীভ্যাৰৰ দ্বাৰা আক্ৰান্ত ব্যক্তি পৰা দূৰত থকাৰ লগতে স্বাস্থ্যসন্মত ব্যৱস্থা মানি চলা উচিত। লগতে সাধাৰণ সমস্যাই দেখা দিলে চিকিৎসকৰ পৰামৰ্শ লোৱাটো প্ৰয়োজন।
